“زورلاپ, ۆيدەوعا ءتۇسىرىپ, پىشاقپەن قورقىتقان”: تالعارداعى قىلمىس جايلى سۇمدىق دەرەك شىقتى

تالعار اۋدانىنداعى قاندى قىلمىسقا بايانىستى تاعى ءبىر تىڭ دەرەك شىقتى. بۇل تۋرالى Today.info اقپاراتتىق پورتالى حابارلادى, دەپ جازادى qandastar.kz

ادۆوكات گاۋھار ساريەۆا جۋرناليست رۋسلان وتەپبايعا بەرگەن سۇحباتىندا داۋ-دامايدىڭ نەدەن باستالعانىن ايتتى.

«ەلامان (كۇدىكتى — رەد.) اۆتوماشينالاردى ارۋجاننىڭ (جابىرلەنۋشى — رەد.) اتىنا اۋدارا باستايدى, ەكىنشى ماشينانى اۋدارام دەگەندە ول قارسى بولعان. سول كەزدە ول زورلاپ, فوتو, ۆيدەوعا تۇسىرەدى. “كونبەسەڭ وسىلاردى بارىنە تاراتامىن” دەيدى. ايەلدىڭ جالاڭاش سۋرەتتەرىن, قارىم-قاتىناستا بولىپ جاتقان ۆيدەولارىن جۇمىسىنداعىلارعا جىبەرگەن. قىزدىڭ قولىن, كوزىن بايلاپ تاستاپ, ۆيدەوعا تۇسىرگەن», — دەدى ساريەۆا.

Today.info مالىمدەۋىنشە, ادۆوكاتتىڭ ايتۋىنشا, كۇدىكتى دە , جابىرلەنۋشى دە اجىراسقان. ەكەۋى ءبىر مەكتەپتە وقىعان. ارۋجاننىڭ بۇرىنعى نەكەسىنەن ەكى جاسار قىزى بار. كۇدىكتى سول قىزدى ۇرلاپ كەتكەن ەدى.

«ايەل اپتەكادا جۇمىس ىستەيدى. زورلىقتان سوڭ ول ارىز جازعان. بىراق ەلامان ونى پىشاقپەن قورقىتىپ, ارىزىن الۋىن تالاپ ەتكەن. سولاي پوليتسياعا بارىپ سوت-مەديتسينالىق ساراپتامانى الىپ كەتكەن. ينتيم فوتولارىن جىبەرە باستاعان سوڭ, ارۋجان ماعان حابارلاستى»,- دەيدى ول.

كەيىن ولار تاعى دا ارىز جازادى, كۇدىكتىنى ادۆوكاتتىڭ ءوزى پوليتسياعا ۇستاپ بەرەدى. الايدا ساقشىلار ونى جىبەرە سالعان ەكەن.

«ءتارتىپ ساقشىلارى نە ءۇشىن شارا قولدانباعان?» دەگەن ءجۋرناليستىڭ سۇراعىنا ادۆوكات ءوز پايىمىن ايتتى.

«پوليتسيا قىزمەتكەرلەرىنىڭ قىزمەتتىك كولىكتەرىن بويايدى. ءوزى اۆتوماليار بولىپ ىستەيدى»,- دەدى ول.

ەسكە سالساق, تالعار اۋدانى قىزىلقايرات اۋىلىندا 27 جاستاعى جىگىت ادام ءولتىرىپ, كىشكەنتاي قىزدى كەپىلدە ۇستاعان.