الەۋمەت جانە قوعام
زورلاۋ فاكتىسى: ءانارۋدىڭ ادۆوكاتى مالىمدەمە جاسادى
فوتو:Ulysmedia.kz كوللاجى
جانقوش تۇراروۆتىڭ ءانارۋ قالدىبەكقىزىن زورلاۋ دەرەگى بويىنشا تەرگەۋ ءالى ءجۇرىپ جاتىر. بۇل تۋرالى ءانارۋدىڭ ادۆوكاتى ءلاززات احاتوۆا مالىمدەدى, دەپ حابارلايدى qandastar.kz Ulysmedia.kz-كە سىلتەمە جاساپ.
ءمان-جاي
كۇنى كەشە جانقوش تۇراروۆتىڭ ايەلى كلارا يسانىڭ وقىرماندارىنىڭ سۇراعىنا بەرگەن جاۋابى تاراپ كەتتى. ول جەردە كلارا انارۋدى سوتقا بەرگەنگە ۇقسايدى. ول كۇيەۋىن داتتاعاندار جازاسىز قالمايدى دەپ وتىر.
ادۆوكات
بۇل جايتقا قاتىستى انارۋ قالدىبەكقىزىنىڭ ادۆوكاتى ءلاززات احاتوۆا مالىمدەمە جاسادى. ونىڭ سوزىنشە, تەرگەۋ ءالى اياقتالماعان.
— مىنا اقپارات وتىرىك! زورلاۋ فاكتىسى بويىنشا تەرگەۋ ءالى اياقتالعان جوق, ءجۇرىپ جاتىر. سوڭعى ساراپتامانىڭ قورىتىندىسىن كۇتىپ وتىرمىز. سوسىن تۇراروۆ ءۇشىن ايەلى ارىز جازا المايدى, ونداي وكىلەتتىگى جوق. وسىنداي جالعان اقپارات تاراتقان ادامدى, ونى تەكسەرمەي, جاريالاعاندارى ءۇشىن وسى توپتى, اۆتوردى, باسقا دا سايتتاردى جاۋاپقا تارتۋ جونىندە شاعىم دايىندالىپ جاتىر, دەيدى ادۆوكات.
وقيعا جايلى
ەسكە سالايىق, بىلتىر 21 تامىزدا جانقوش تۇراروۆ «قىز زورلادى» دەگەن اقپارات تاراعان. الماتى پوليتسيا دەپارتامەنتىنىڭ ءباسپاسوز قىزمەتى قىلمىستىق ءىس قوزعالىپ, ساراپتاما تاعايىندالعانىن حابارلاعان ەدى.
كەيىنىرەك بوكسشىنىڭ ءوزى تاراعان اقپاراتقا قاتىستى جاۋاپ بەردى.
ارتىنشا «بوكسشى جانقوش تۇراروۆ زورلادى» دەپ ايىپ تاققان قىز تىلشىلەرگە سۇحبات بەردى. ونىڭ سوزىنشە, سپورتشى بىرنەشە جىل بويى «ايەلىم ەتىپ الامىن» دەپ الداپ كەلگەن. بويجەتكەن «سوڭعى كەزدەسۋ زورلىقپەن اياقتالدى» دەيدى. جابىرلەنۋشى دەنەسىندەگى كوگەرگەن جاراقاتتارىنا دەيىن كورسەتكەن.
