Áleýmet jáne qoǵam
Zorlaý faktisi: Ánarýdyń advokaty málimdeme jasady
Foto:Ulysmedia.kz kollajy
Janqosh Turarovtyń Ánarý Qaldybekqyzyn zorlaý deregi boıynsha tergeý áli júrip jatyr. Bul týraly Ánarýdyń advokaty Lázzat Ahatova málimdedi, dep habarlaıdy qandastar.kz Ulysmedia.kz-ke silteme jasap.
MÁN-JAI
Kúni keshe Janqosh Turarovtyń áıeli Klara Isanyń oqyrmandarynyń suraǵyna bergen jaýaby tarap ketti. Ol jerde Klara Ánarýdy sotqa bergenge uqsaıdy. Ol kúıeýin dattaǵandar jazasyz qalmaıdy dep otyr.
ADVOKAT
Bul jaıtqa qatysty Ánarý Qaldybekqyzynyń advokaty Lázzat Ahatova málimdeme jasady. Onyń sózinshe, tergeý áli aıaqtalmaǵan.
— Myna aqparat ótirik! Zorlaý faktisi boıynsha tergeý áli aıaqtalǵan joq, júrip jatyr. Sońǵy saraptamanyń qorytyndysyn kútip otyrmyz. Sosyn Turarov úshin áıeli aryz jaza almaıdy, ondaı ókilettigi joq. Osyndaı jalǵan aqparat taratqan adamdy, ony teksermeı, jarııalaǵandary úshin osy topty, avtordy, basqa da saıttardy jaýapqa tartý jóninde shaǵym daıyndalyp jatyr, deıdi advokat.
OQIǴA JAILY
Eske salaıyq, byltyr 21 tamyzda Janqosh Turarov «qyz zorlady» degen aqparat taraǵan. Almaty Polıııa departamentiniń baspasóz qyzmeti qylmystyq is qozǵalyp, saraptama taǵaıyndalǵanyn habarlaǵan edi.
Keıinirek boksshynyń ózi taraǵan aqparatqa qatysty jaýap berdi.
Artynsha «Boksshy Janqosh Turarov zorlady» dep aıyp taqqan qyz tilshilerge suhbat berdi. Onyń sózinshe, sportshy birneshe jyl boıy «áıelim etip alamyn» dep aldap kelgen. Boıjetken «sońǵy kezdesý zorlyqpen aıaqtaldy» deıdi. Jábirlenýshi denesindegi kógergen jaraqattaryna deıin kórsetken.
