«زورلىق ارەكەتىن پوليتسەيلەردىڭ الدىندا كورسەتتى»: بۇرىنعى كۇيەۋى ۇيىنەن كۇشپەن قۋىپ شىققان دانا اتەشوۆا پرەزيدەنتتەن كومەك سۇرادى

فوتو جەكە قورىنان

جەلىدە كۇيەۋىنەن قورلىق كوردىم دەگەن دانا اتەشوۆانىڭ ءۇش بالاسىمەن ۇيىنەن قالاي قۋىپ شىعارىپ جاتقانى كورسەتىلگەن ۆيدەوسى جاريالاندى. ايەل بالالارىنىڭ الدىنا كۇيەۋى زورلىق ارەكەتىن كورسەتكەن كەزدە ءبىر توپ قىزمەتكەرلەردىڭ قۇتقارۋدىڭ ورنىنا قاراپ تۇرعانىن جەتكىزدى. بۇل تۋرالى Stan.kz اقپارات اگەنتتىگى حابارلايدى.

جەلىدەگى ۆيدەو كادرلارىنان مۇرىندارى قاناعان بالالاردى كوتەرىپ ۇيدەن شىعارىپ جۇرگەن ءبىر توپ ەر ادام كورسەتىلگەن.
دانا اتەشوۆانىڭ ايتۋىنشا ولار قىزمەتتەگى ادامدار جانە كۇيەۋىنىڭ جاقتاستارى.
“قۇرمەتتى پرەزيدەنت قاسىم-جومارت توقاەۆ ماعان جانە مەنىڭ بالالارىما كومەكتەسىڭىز! بۇل ۇندەۋىم تەك پرەزيدەنتكە ەمەس ءار ادامعا ارنالادى. سوڭعى ءتورت جىلدا ءبىزدىڭ ءومىرىمىز توزاققا اينالدى. 2020 جىلى مەنىڭ قاتىسۋىمسىز رۇقساتىمسىز جاسىرىن تۇردە مارات ايتەنوۆ مەنىمەن اجىراسادى. سول كەزدە مەنىڭ ورنىما اجىراسۋعا كەلىسىم بەرگەن مۇراش شەريەۆ 2024 جىلى ۇيگە كەلىپ ءبىزدى كۇشتەپ شىعارۋعا كومەكتەستى”, – دەدى ايەل.

داناناعا بۇرىنعى كۇيەۋى ءۇيدىڭ قازىرگى يەسى مۋساليموۆ ارسەن ەسىمدى ازامات ەكەنىن ايتقان.

“ايتەنوۆ بۇل ءۇيدى وعان سىيلاپتى. وعان وسى كەزگە دەيىن كومەكتەسىپ, كوڭىل-كۇيى جوقتا شەتەلگە جىبەرىپتى. ءتىپتى ءۇيدى ءوز بالالارىنا ەمەس وسى كىسىگە بەرگەن. بۇل دا ءبىر توپ ەر ادامنىڭ قاتارىندا ءبىزدى ۇيدەن سۇيرەپ شىعارۋعا قاتىستى.

مەنىڭ تاڭعالاتىنىم ەگەر بۇل ايتەنوۆتىڭ ءۇيى بولماسا وندا نەگە ءبىر توپ باندامەن كەلىپ, باسىن قاتىردى”, – دەپ قوستى ول.

ايەلدىڭ ايتۋىنشا سول كۇنى بۇرىنعى كۇيەۋىنىڭ ءبىر توپ جاقتاستارىنان بولەك ءۇيدىڭ جانىندا امونداردىڭ اۆتوبۋسى تۇرعان. الايدا بالالار مەن وزىنە كۇش كورسەتىپ جاتقاندا ەشكىم كەلىپ اراشا تۇسپەگەن.
“سول كۇنى امونداردىڭ اۆتوبۋسى تۇردى. ايەلدى جەرگە سۇيرەپ جاتقاندا بۇل اموندار قايدا قاراپ تۇردى. الدە ولار بىزگە كۇش كورسەتىپ جاتقان ءبىر توپ ازاماتتى قورعاۋعا كەلدى مە? ماعان كۇش كورسەتۋ ارقىلى ول بالالارعا دا اسەر ەتەدى. مەن تەك ادىلەتتىلىكتى تالاپ ەتەمىن. قاتتى شارشادىم. ەڭ بولماعاندا cىزدەر كومەكتەسسىڭىزدەر! اقشامەن ەمەس, ادىلدىكتى ورناتۋعا كومەكتەسىڭىزدەر”, – دەدى ول.

ايەل بۇرىنعى كۇيەۋىن اتا-انا قۇقىعىنان ايىرعىسى كەلەتىنىن مالىمدەدى.
“ەڭ وكىنىشتىسى ول زورلىق ارەكەتىن پوليتسەيلەردىڭ الدىندا كورسەتتى. زورلىق-زومبىلىقتا ءبىزدى ەشكىمنىڭ قورعامايتىنىنا كوزىم جەتتى”, – دەپ جازدى ايەل جەلىدە.
مارات ايتەنوۆ شىمكەنتتىڭ ەكس-اكىمىنىڭ اعاسى. بۇعان دەيىن دە ونىڭ ايەلى مەن بالالارىن ۇيىنەن قۋىپ شىققانىن حابارلاعان بولاتىنبىز.