«Zorlyq áreketin polıeılerdiń aldynda kórsetti»: Burynǵy kúıeýi úıinen kúshpen qýyp shyqqan Dana Áteshova prezıdentten kómek surady

Foto jeke qorynan

Jelide kúıeýinen qorlyq kórdim degen Dana Áteshovanyń úsh balasymen úıinen qalaı qýyp shyǵaryp jatqany kórsetilgen vıdeosy jarııalandy. Áıel balalarynyń aldyna kúıeýi zorlyq áreketin kórsetken kezde bir top qyzmetkerlerdiń qutqarýdyń ornyna qarap turǵanyn jetkizdi. Bul týraly Stan.kz aqparat agenttigi habarlaıdy.

Jelidegi vıdeo kadrlarynan muryndary qanaǵan balalardy kóterip úıden shyǵaryp júrgen bir top er adam kórsetilgen.
Dana Áteshovanyń aıtýynsha olar qyzmettegi adamdar jáne kúıeýiniń jaqtastary.
“Qurmetti prezıdent Qasym-Jomart Toqaev maǵan jáne meniń balalaryma kómektesińiz! Bul úndeýim tek prezıdentke emes ár adamǵa arnalady. Sońǵy tórt jylda bizdiń ómirimiz tozaqqa aınaldy. 2020 jyly meniń qatysýymsyz ruqsatymsyz jasyryn túrde Marat Áıtenov menimen ajyrasady. Sol kezde meniń ornyma ajyrasýǵa kelisim bergen Murash Sherıev 2024 jyly úıge kelip bizdi kúshtep shyǵarýǵa kómektesti”, – dedi áıel.

Dananaǵa burynǵy kúıeýi úıdiń qazirgi ıesi Mýsalımov Arsen esimdi azamat ekenin aıtqan.

“Áıtenov bul úıdi oǵan syılapty. Oǵan osy kezge deıin kómektesip, kóńil-kúıi joqta shetelge jiberipti. Tipti úıdi óz balalaryna emes osy kisige bergen. Bul da bir top er adamnyń qatarynda bizdi úıden súırep shyǵarýǵa qatysty.

Meniń tańǵalatynym eger bul Áıtenovtyń úıi bolmasa onda nege bir top bandamen kelip, basyn qatyrdy”, – dep qosty ol.

Áıeldiń aıtýynsha sol kúni burynǵy kúıeýiniń bir top jaqtastarynan bólek úıdiń janynda amondardyń avtobýsy turǵan. Alaıda balalar men ózine kúsh kórsetip jatqanda eshkim kelip arasha túspegen.
“Sol kúni amondardyń avtobýsy turdy. Áıeldi jerge súırep jatqanda bul amondar qaıda qarap turdy. Álde olar bizge kúsh kórsetip jatqan bir top azamatty qorǵaýǵa keldi me? Maǵan kúsh kórsetý arqyly ol balalarǵa da áser etedi. Men tek ádilettilikti talap etemin. Qatty sharshadym. Eń bolmaǵanda cizder kómektessińizder! Aqshamen emes, ádildikti ornatýǵa kómektesińizder”, – dedi ol.

Áıel burynǵy kúıeýin ata-ana quqyǵynan aıyrǵysy keletinin málimdedi.
“Eń ókinishtisi ol zorlyq áreketin polıeılerdiń aldynda kórsetti. Zorlyq-zombylyqta bizdi eshkimniń qorǵamaıtynyna kózim jetti”, – dep jazdy áıel jelide.
Marat Áıtenov Shymkenttiń eks-ákiminiń aǵasy. Buǵan deıin de onyń áıeli men balalaryn úıinen qýyp shyqqanyn habarlaǵan bolatynbyz.