«Zorlyq belgileri joq»: Astanada tastandy ǵımarattan denesi tabylǵan oqýshynyń ata-anasy polıııanyń nusqasymen kelispeıdi

Foto: Vıdeodan skrın/Aýrelııanyń ata-anasy

Astanada 14 jastaǵy oqýshy qyzdyń jumbaq ólimi jergilikti turǵyndardyń jaǵasyn ustatty. Qyzdyń denesi buryn balabaqsha bolyp, keıin qaraýsyz qalǵan ǵımarattan tabyldy. Polıııa marqumnyń denesinen zorlyq belgileri tabylmaǵanyn aıtty. Bul týraly Stan.kz aqparat agenttigi KTK arnasyna silteme jasap habarlaıdy.

Tastandy ǵımarat astanalyq turǵyndardy úreıde ustap kele jatqanyna birshama ýaqyt bolǵan. Alǵashynda balabaqsha bolǵan, keıin nysandy sektanttar pana etken. Biraz ýaqyt tastandy bolǵan nysandy keıin margınaldar jaılaǵan. Sodan beri ǵımarat qańyrap tur.

Jergilikti turǵyndar qaraýsyz qalǵan ǵımarattan 14 jastaǵy Aýrelııanyń denesi tabylmaı turyp, taǵy bir er adamnyń máıiti anyqtalǵanyn aıtady.

Oqýshy ol jerge qalaı jáne ne úshin barǵany, sondaı-aq qandaı jaǵdaıda kóz jumǵany belgisiz. Marqum atasynyń úıine qonaqqa barǵan. Serýenge shyqqan jasóspirim úıge sol kúıi oralǵan joq. Jaqyndary sýyq habardy birneshe saǵattan soń estigen.

«Men oǵan saǵat 18:25-ten bastap habarlasa bastadym, baılanysqa shyqpady. Saǵat 10-ǵa deıin ár bes mınýt saıyn qońyraý shaldym. Syrtqa shyǵyp ári-berli júrdim, óıtken júregim tynshymady. Endi ólgenshe janym tynysh tappaıdy», – deıdi qyzdyń atasy Gennadıı Epov.

Polıııa qyzydń ata-anasyna marqumnyń júregi toqtap qalǵan dep aıtqan. Sózderine sensek, sarapshylar oqýshynyń denesinen zorlyq belgilerin tappaǵan. Al Aýrelııanyń ata-anasy polıııaǵa senbeıdi. Olardyń aıtýynsha, qyz osy ýaqytqa deıin densaýlyǵyna shaǵymdanbaǵan jáne jaman ádetteri joq deıdi.

«Biz Baıqońyr aýdandyq ishki ister bóliminde boldyq. Olardyń aıtýynsha, qyzymyzdyń júregi toqtap qalǵan. Men buǵan senbeımin. Bári ádettegideı: isti toqtatyp, muraǵatqa jiberemek», – deıdi qyzynan aıyrylǵan áke.

Osymen eki adamnyń máıiti tabylǵan soń tastandy ǵımarat jergilikti turǵyndardy alańdata bastady. Qorqynyshty nysannyń janynan mektepke baryp keletin balalary árli-berli ótedi.

«BAQ-ta qyzdyń tastandy ǵımarattan tabylǵanyn aıtady. Al nysannyń buryn-sońdy birneshe ret órtengenin, onda úısiz adamdardyń panalaıtynyn eshkim aıtpaıdy», – deıdi turǵyndar.

Astana qalasy Qurylys basqarmasy basshysynyń orynbasary Damır Abdýalıevtiń aıtýynsha, qazir jumysty bastap ketken. Aıtýynsha, ǵımaratqa endi kúzet qoıylyp, qorshalady.

«Buǵan deıin nysan jeke menshikte bolǵan. Men oqıǵany tolyq bilmeımin. Endi ǵımaratty tehnıkalyq tekserýden ótkizemiz, odan keıin jobalaý jumystaryn júrgizemiz. Qazirgi ýaqytta qorshaýlar tez arada ornatylyp, kúzet ornatylady», – deıdi ol.