زىمىران فۋتبول الاڭىنا تۇسكەن: گولان شىڭىنداعى قازاقستاندىق بىتىمگەرلەردىڭ جاعدايى قانداي?

فوتو: depositphotos.com / فوتو اۆتورا svarshik1.gmail.com

ءيزرايلدىڭ باقىلاۋىنداعى گولان شىڭىنداعى مادجدال شامس اۋىلىن اتقىلاۋدان قازا تاپقاندار سانى 12 ادامعا جەتتى. قر قورعانىس مينيسترلىگى قازاقستاندىق بىتىمگەرلەردىڭ جاعدايىنا قاتىستى پىكىر ءبىلدىردى, — دەپ حابارلايدى Massaget.kz تىلشىسى.

Times of Israel گازەتى يزرايل ارمياسىنىڭ ءباسپاسوز حاتشىسى دانيەل حاگاريگە سىلتەمە جاساپ, گولان شىڭىنا جاسالعان سوققىدان 10 ادامنىڭ قازا تاپقانىن حابارلادى. كەيىن قازا تاپقاندار سانى 12-گە جەتتى.

«گولان شىڭىندا بۇۇ بىتىمگەرشىلىك ميسسياسىن اتقارىپ جاتقان قازاقستاندىق كونتينگەنت ادەتتەگىدەي جۇمىسىن جالعاستىرىپ جاتىر, جەكە قۇرامنىڭ ءومىرى مەن دەنساۋلىعىنا قاۋىپ جوق», — دەدى ەلىمىزدىڭ قورعانىس مينيسترلىگى قىزمەتكەرلەرى.

Times of Israel باسىلىمىنىڭ مالىمەتىنشە, قازا تاپقانداردىڭ بارلىعى 10 مەن 20 جاس ارالىعىنداعىلار. ليۆاننان اتىلعان زىمىران فۋتبول الاڭىنا ءتۇستى. ەسكەرتۋ سيرەناسى ەستىلگەنىمەن, ول تىم قىسقا بولعاندىقتان, جاسوسپىرىمدەر دەر كەزىندە قاشىپ قۇتىلا المادى.

يزرايل شەنەۋنىكتەرى زىمىران اتقانى ءۇشىن ليۆاننىڭ قۋاتتى قارۋلى توبى حيزبوللانى ايىپتاپ, جاۋاپ قايتارۋعا ۋادە بەردى. الايدا «حەزبوللا» بۇل وقيعاعا مۇلدەم قاتىسى جوق ەكەنىن ايتتى.