Zymyran fýtbol alańyna túsken: Golan shyńyndaǵy qazaqstandyq bitimgerlerdiń jaǵdaıy qandaı?

Foto: depositphotos.com / Foto avtora svarshik1.gmail.com

Izraıldiń baqylaýyndaǵy Golan shyńyndaǵy Madjdal Shams aýylyn atqylaýdan qaza tapqandar sany 12 adamǵa jetti. QR Qorǵanys mınıstrligi qazaqstandyq bitimgerlerdiń jaǵdaıyna qatysty pikir bildirdi, — dep habarlaıdy Massaget.kz tilshisi.

Times of Israel gazeti Izraıl armııasynyń baspasóz hatshysy Danıel Hagarıge silteme jasap, Golan shyńyna jasalǵan soqqydan 10 adamnyń qaza tapqanyn habarlady. Keıin qaza tapqandar sany 12-ge jetti.

«Golan shyńynda BUU bitimgershilik mıssııasyn atqaryp jatqan qazaqstandyq kontıngent ádettegideı jumysyn jalǵastyryp jatyr, jeke quramnyń ómiri men densaýlyǵyna qaýip joq», — dedi elimizdiń Qorǵanys mınıstrligi qyzmetkerleri.

Times of Israel basylymynyń málimetinshe, qaza tapqandardyń barlyǵy 10 men 20 jas aralyǵyndaǵylar. Lıvannan atylǵan zymyran fýtbol alańyna tústi. Eskertý sırenasy estilgenimen, ol tym qysqa bolǵandyqtan, jasóspirimder der kezinde qashyp qutyla almady.

Izraıl sheneýnikteri zymyran atqany úshin Lıvannyń qýatty qarýly toby Hızbollany aıyptap, jaýap qaıtarýǵa ýáde berdi. Alaıda «Hezbolla» bul oqıǵaǵa múldem qatysy joq ekenin aıtty.