جاڭالىقتار
اتىراۋلىق ەكس-ايەلىن باۋىزداپ ولتىرگەن
فوتو: اشىق دەرەككوز
اتىراۋ وبلىسىندا 33 جاستاعى جىگىت ەكس-ايەلىن باۋىزداپ ءولتىردى. قاندى وقيعاعا قاتىستى پوليتسيا دەپارتامەنتى تۇسىنىكتەمە بەردى, دەپ حابارلايدى qandastar.kz
ادۆوكات بولىپ جۇمىس ىستەگەن مارقۇمنىڭ ارتىندا ەكى بالاسى قالدى. كۇندىز شابۋىل جاساعان ادام – شوقپارتوعاي اۋىلىنىڭ تۇرعىنى. قىلمىس جاساپ, قاشىپ كەتپەك بولعانمەن, قاسكويدى ساقشىلار بىردەن تاۋىپ, قاماۋعا العان.
«جىلىوي اۋدانى قۇلسارى قالاسىندا بولعان دەرەك بويىنشا ادام ءولتىرۋ بابىمەن قىلمىستىق ءىس قوزعالىپ, كەشەندى تەرگەۋ امالدارى باستالدى. 33 جاستاعى كۇدىكتى ءىزىن سۋىتپاي ۇستالىپ, قاماۋعا الىندى. وزگە اقپارات تەرگەۋ مۇددەسىنە سايكەس جاريالاۋعا جاتپايدى», — دەيدى اتىراۋ وبلىسىنىڭپوليتسيا دەپارتامەنتى اگەنتتىك تىلشىسىنە بەرگەن جاۋابىندا.
سۇمدىق وقيعا اتىراۋ وبلىسىنىڭ جىلىوي اۋدانىنا قاراستى قۇلسارى قالاسىندا ورىن العان. Atyrau Online Telegram كانالىنىڭ مالىمەتىنشە, وقيعا جەرگىلىكتى اۋرۋحانالاردىڭ بىرىندە بولعان.
بەلگىلى بولعانداي, قايعىلى وقيعا 27 ناۋرىز كۇنى تۇسكى ۋاقىتتا ايەل ادام كابينەتىندە جالعىز قالعان كەزدە بولعان. كەنەتتەن ونىڭ بۇرىنعى كۇيەۋى كىرىپ كەلىپ, وعان پىشاقپەن شابۋىل جاساعان.
«ول قۇتقارۋىن ءوتىنىپ, ايقايلادى… قىزمەتكەرلەردىڭ ءبىرى ونى قانعا بويالىپ جاتقان كەزدە عانا كورگەن. ونىڭ مويىنىنان فونتان بولىپ قان اتقىلاپ جاتتى», — دەپ جازدى اتالمىش باسىلىم.
