الەم جاڭالىقتارى
قازاقستان ونەركاسىپتى دامىتۋ ءۇشىن قىتايدان 70 ميلليارد تەڭگەدەن استام قارىز الماق
فوتو: primeminister.kz
قازاقستان ۇكىمەتى يندۋستريالىق جوبالاردى قارجىلاندىرۋ ءۇشىن قىتايدىڭ ونەركاسىپتىك-كوممەرتسيالىق بانكىنەن (ICBC) ميللياردتان استام يۋان الماق, دەپ جازدى qandastar.kz
بۇل تۋرالى Stan.kzاقپارات اگەنتتىگى حابارلايدى.
پرەمەر-مينيستر ولجاس بەكتەنوۆ بانك باسشىسى ليۋ تسزيۋنمەن كەزدەستى. تاراپتار ينۆەستيتسيالىق ىنتىماقتاستىقتى تەرەڭدەتۋ پەرسپەكتيۆالارىن, تۇراقتى جانە «جاسىل» قارجىلاندىرۋدى, ينفراقۇرىلىمدىق جوبالاردى قولداۋدى جانە ەكسپورتتىق الەۋەتتى دامىتۋ ماسەلەلەرىن تالقىلادى.
«قازىر «يندۋستريالىق دامۋ قورى» اق ءۇشىن 1 ميلليارد يۋاننان (70 ميلليارد 980 ميلليون تەڭگە) استام سوماعا قوسىمشا نەسيە تارتۋ مۇمكىندىگى پىسىقتالىپ جاتىر. سونداي-اق 5 ميلليارد يۋانعا (355 ميلليارد تەڭگەگە جۋىق) دەيىنگى كولەمدەگى وبليگاتسيالاردى ورنالاستىرۋ ارقىلى قىتايدىڭ قارىز نارىعىنا شىعۋ پەرسپەكتيۆاسى قاراستىرىلۋدا», – دەلىنگەن حابارلامادا.
كەزدەسۋدە بەكتەنوۆ قىتايمەن ىنتىماقتاستىقتىڭ ستراتەگيالىق ماڭىزىنا توقتالىپ, جاڭا بىرلەسكەن جوبالار ەكى ەل اراسىنداعى ەكونوميكالىق ءوسىم مەن قارجىلىق بايلانىستى نىعايتۋعا قوسىمشا مۇمكىندىكتەر اشاتىنىن ايتتى.
بانك توراعاسى ليۋ تسزيۋن ىنتىماقتاستىقتى كەڭەيتۋگە جانە قازاقستاننىڭ قارجى جۇيەسىن, يننوۆاتسيانى دامىتۋ مەن تۇراقتى قارجىلاندىرۋدى قولداۋعا دايىن ەكەنىن ءبىلدىردى.
ICBC قازاقستان نارىعىندا ءوزىنىڭ ەنشىلەس بانكى – الماتىداعى قىتايدىڭ ونەركاسىپتىك-كوممەرتسيالىق بانكى ارقىلى جۇمىس ىستەيدى.
2025 جىلدىڭ ناۋرىز ايىندا «بايتەرەك» حولدينگى «اگرارلىق نەسيە كورپوراتسياسى» اق-تى قارجىلاندىرۋ ءۇشىن ICBC-تەن 430 ميلليون يۋان الدى. بۇل قاراجات اگروونەركاسىپتىك سەكتوردى قولداۋعا جۇمسالدى.
قىتاي قازاقستاننىڭ نەگىزگى سەرىكتەستەرىنىڭ ءبىرى بولىپ قالا بەرەدى. 2024 جىلى ەكىجاقتى ساۋدا رەكوردتىق كورسەتكىشكە جەتىپ, 44 ميلليارد دوللارعا جەتىپ, جيناقتالعان كۇردەلى سالىمداردىڭ جالپى كولەمى 26 ميلليارد دوللاردان استى.
ايتا كەتەيىك, بۇعان دەيىن قازاقستاننىڭ سىرتقىقارىزى 32 تريلليون تەڭگەگە جۋىقتاعانىتۋرالى جازعان ەدىك.
