«شەرزاتتىڭ اپكەسى وزىنە قول جۇمسادى»: جان احماديەۆ مالىمدەمە جاسادى

فوتو:Massaget.kz

تانىمال بلوگەر جان احماديەۆ شەرزاتتىڭ اپكەسى تۋرالى كۇتپەگەن بەينە جاريالادى, دەپ حابارلايدى qandastar.kz  Skifnews.kz اقپارات پورتالىنا سىلتەمە جاساپ.

ونىڭ ايتۋىنشا, شەرزاتتىڭ اپكەسى وعان ۆيدەو جىبەرگەن. بەينەدە شەرزاتتىڭ اپكەسى باقىت رەيموۆا باۋىرجان ابدىراحمانوۆ دەگەن كىسىنىڭ الەۋمەتتىك جەلىدە ونىڭ وتباسىنا قاتىستى جالعان اقپارات تاراتىپ, بىرنەشە مارتە اقپاراتتىق شابۋىل جاساعان. ءتىپتى, ءىنىسىنىڭ ولىمىنە دە سول كىسى قاتىستى دەپ ايتقان.

باقىت رەيموۆا وسى سوزدەردەن سوڭ, ەندى ءوزىنىڭ ولىمىنە باقىتجان ابدىراحمانوۆ كىنالى دەپ ايتقان.

وسى بەينە ارناۋدان كەيىن باقىت رەيموۆا الماتىداعى رايىمبەك داڭعىلىنداعى كوپىرگە شىعىپ, ءوز ومىرىمەن قوش ايتىسۋعا بەل بايلاعان. قۋانىشقا وراي ونى كوشەدەگى پوليتسەي بايقاپ قالىپ, ونى قۇتقارىپ قالعان.

«ءسوز سۇيەكتەن وتەدى دەمەكشى, ءبىر ادامنىڭ ءسوزى قانشاما قايعى قاسىرەت اكەلە جازدادى. ءوزىن «دوكتور» دەگەن اتپەن تانىلعان ادامعا بىرنەشە رەت ەسكەرتتىم. الايدا ناتيجە جوق. ەگەر باقىت سۋيتسيد جاساسا, ونىڭ وتباسىنىڭ قارعىسىنا قالامىن دەپ ويلاماي ما ەكەن. مەنىڭ ميىما سىيمايدى, بۇل ازاماتتىڭ ماقساتى نە? ءوزى دە قايعىدان قان جۇتىپ وتىرعان وتباسىنا نەگە كەنەدەي جابىسىپ الدى», — دەدى بلوگەر جان احماديەۆ.