1,3 مىڭنان استام قازاق «قانداس» مارتەبەسىن الدى

ەڭبەك جانە حالىقتى الەۋمەتتىك قورعاۋ مينيسترلىگى جىل باسىنان بەرى تاريحي وتانىنا ورالعان ەتنيكالىق قازاقتار تۋرالى مالىمەتتى جاريالادى.
2024 جىلعى 1 اقپانداعى جاعداي بويىنشا 1 306 ەتنيكالىق قازاق تاريحي وتانىمەن تابىسىپ, قانداس مارتەبەسىن الدى. جالپى 1991 جىلدان بەرى رەسپۋبليكاعا 1 ملن 129,6 مىڭ ەتنيكالىق قازاق ورالدى.
— جىل باسىنان باستاپ قازاقستانعا كەلگەن قانداستاردىڭ جارتىسى (48,9%) قىتايدان, 29,6% – وزبەكستاننان, 8,3% – موڭعوليادان, 4,4% – رەسەيدەن, 7,3 تۇرىكمەنستاننان جانە 1,5% باسقا ەلدەردەن, — دەلىنگەن ۆەدومستۆونىڭ حبارلاماسىندا.
بيىلعى 1 اقپانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 56,2%-دى, ەڭبەككە قابىلەتتى جاستان كىشى 33,6%-دى جانە زەينەتكەرلەر 10,2%-دى قۇرايدى.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 15%-ى جوعارى ءبىلىمدى, 20,2%-ى ورتا كاسىبي ءبىلىمدى, 54,6%-ى جالپى ورتا ءبىلىمدى, جانە 10,2%-ىنىڭ ءبىلىمى جوق.
قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى.
سونىمەن بىرگە, قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى: اقمولا, اباي, قوستاناي, پاۆلودار, شىعىس جانە سولتۇستىك قازاقستان وبلىستارى.
قونىستاندىرۋ وڭىرلەرىندە 2023 جىلعا ارنالعان قانداستاردى قابىلداۋ كۆوتاسى 2 433 ادامدى قۇرايدى. 2023 جىلعى 1 اقپانداعى جاعداي بويىنشا قونىستاندىرۋ وڭىرلەرىنە 332 قانداس قونىس اۋداردى.
— جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى – ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 اەك (258,4 مىڭ تەڭگە) مولشەرىندە; تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە – ءبىر جىل ىشىندە 15-تەن 30 اەك (55,3-دەن 110,7 مىڭ تەڭگەگە دەيىن) مولشەرىندە بەرىلەدى, — دەپ حابارلادى مينيسترلىك.
سونداي-اق قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. ياعني, تۇرعىن ءۇي ساتىپ الۋ, سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ 50%-ى نەمەسە ءبىر وتباسىنا 4,28 ملن تەڭگەگە دەيىن مولشەرىندە بىرجولعى وتەۋسىز جانە قايتارىمسىز نەگىزدە ەنگىزىلدى.