جاڭالىقتار
1,8 ملرد تەڭگە: ءماسىموۆتىڭ ءۇيى ءزاۋلىم ءۇيى ساتىلىمعا شىقتى
فوتو: اشىق دەرەكوز
ەلورداداعى ەرەيمەنتاۋ كوشەسى, 1-ءشى مەكەنجايىندا ورنالاسقان ەڭسەلى ءزاۋلىم ءۇي ساۋداعا شىعۋعا دايىن تۇر, دەپ جازادى qandastar.kz
باستاپقى باعاسى – 1,8 ملرد تەڭگە, كەپىلدىك جارناسى – 117,9 ملن تەڭگە. ساۋدا 25 اقپاندا وتەدى دەپ بەلگىلەنگەن. قىزىعى, ءدال وسى ءۇيدىڭ سۋرەتتەرىن 2022 جىلى ۇقك ەكس-توراعا كارىم ءماسىموۆ قاماۋعا الىنعان كەزدە جاريالاعان ەدى. تەرگەۋ بارىسىندا ونىڭ زاڭسىز يەمدەنگەن بىرنەشە نىسانى انىقتالعان, سولاردىڭ ءبىرى — وسى ەڭسەلى كوتتەدج.
ەسكە سالساق, ءماسىموۆ 2022 جىلعى قاڭتار وقيعاسى كەزىندە تۇتقىندالعان. وعان «مەملەكەتكە وپاسىزدىق جاسادى», «بيلىكتى كۇشپەن باسىپ الۋعا ارەكەتتەندى» دەگەن ايىپ تاعىلىپ, 2023 جىلعى ساۋىردە 18 جىلعا سوتتالدى. ۇكىمگە اپپەلياتسيا تۇسىرگەنىمەن, شەشىم وزگەرمەدى. بىلتىرعى جىلدىڭ جازىندا «راقىمشىلىققا ىلىگەم بە?» دەگەن ءۇمىتى دە اقتالعان جوق. ەندى «اكتيۆتەردى قايتارۋ» مەكەمەسى ءبىر كەزدەرى ءماسىموۆ ءومىر سۇرگەن ەليتالىق ءۇيدى اۋكتسيونعا قويىپ وتىر. «مۇرتتىنىڭ» مۇراسى مەملەكەتكە قايتارىلىپ, جاڭا يەسىن تابۋعا دايىن.
