1,8 mlrd teńge: Másimovtyń úıi záýlim úıi satylymǵa shyqty

Foto: ashyq derekóz

Elordadaǵy Ereımentaý kóshesi, 1-shi mekenjaıynda ornalasqan eńseli záýlim úı saýdaǵa shyǵýǵa daıyn tur, dep jazady qandastar.kz

Bastapqy baǵasy – 1,8 mlrd teńge, kepildik jarnasy – 117,9 mln teńge. Saýda 25 aqpanda ótedi dep belgilengen. Qyzyǵy, dál osy úıdiń sýretterin 2022 jyly UQK eks-tóraǵa Kárim Másimov qamaýǵa alynǵan kezde jarııalaǵan edi. Tergeý barysynda onyń zańsyz ıemdengen birneshe nysany anyqtalǵan, solardyń biri — osy eńseli kottedj.

Eske salsaq, Másimov 2022 jylǵy Qańtar oqıǵasy kezinde tutqyndalǵan. Oǵan «memleketke opasyzdyq jasady», «bılikti kúshpen basyp alýǵa árekettendi» degen aıyp taǵylyp, 2023 jylǵy sáýirde 18 jylǵa sottaldy. Úkimge appelıaııa túsirgenimen, sheshim ózgermedi. Byltyrǵy jyldyń jazynda «raqymshylyqqa iligem be?» degen úmiti de aqtalǵan joq. Endi «Aktıvterdi qaıtarý» mekemesi bir kezderi Másimov ómir súrgen elıtalyq úıdi aýkıonǵa qoıyp otyr. «Murttynyń» murasy memleketke qaıtarylyp, jańa ıesin tabýǵa daıyn.