جاڭالىقتار
1 قازانعا دەيىن سالىق تولەمەگەندەرگە ايىپپۇل سالىنا ما? مەملەكەتتىك كىرىستەر كوميتەتى جاۋاپ بەردى
سوڭعى ۋاقىتتا الەۋمەتتىك جەلىلەر مەن مەسسەندجەرلەر ارقىلى وتكەن سالىقتىق كەزەڭدەر ءۇشىن بەرەشەگى بار ازاماتتار بورىشىن 1 قازانعا دەيىن وتەمەگەن جاعدايدا 8 اەك (20000 تەڭگە شاماسىندا) كولەمىندەگى ايىپپۇل ەسەپتەلەتىنى تۋرالى حابارلاما تاراتىلۋدا.
قر قم مەملەكەتتىك كىرىستەر كوميتەتى بۇل اقپاراتتىڭ شىندىققا جاناسپايتىنىن رەسمي تۇردە حابارلايدى.
جەكە تۇلعالار بيۋدجەتكە جەر جانە م ۇلىك سالىقتارىن وتكەن جىل ءۇشىن اعىمداعى جىلدىڭ 1 قازانىنا دەيىن تولەۋى ءتيىس. كولىك سالىعى اعىمداعى جىل ءۇشىن 31 جەلتوقسانعا دەيىن وتەلەدى.
قولدانىستاعى قر سالىق زاڭناماسىندا ايىپپۇل ەسەپتەۋ شارالارى كورسەتىلمەگەن. تەك سالىقتى ۋاقىتىلى تولەمەگەن جاعدايدا وتكىزىلگەن ءار كۇنگە ءوسىمپۇل ەسەپتەلەدى.
سونداي-اق, اعىمداعى جىلدىڭ اياعىنا دەيىن جەكە تۇلعالارعا ارنالعان سالىقتىق راقىمشىلىق ءۇردىسى جۇرۋدە. ونىڭ ەرەجەلەرىنە سايكەس, جەكە تۇلعا بەرەشەگىنىڭ نەگىزگى سوماسىن وتەگەن جاعدايدا ءوسىمپۇل اۆتوماتتى تۇردە ەسەپتەن شىعارىلادى.
