جاڭالىقتار
«1 ميلليون تەڭگە»: قىزىلوردادا ورگان قىزمەتكەرىنە پارا بەرگەن يمام جۇمىسىنان قۋىلدى
فوتو: gazeta.uz
قىزىلوردادا 1 ميلليون تەڭگە كولەمىندە پارا بەرمەك بولعان يمام تالعات نۇرمان «ىبىراي مولدا» مەشىتىنەن جۇمىستان شىعارىلدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
يمام سىبايلاس جەمقورلىق قىلمىسىن جاساعانى ءۇشىن كىنالى دەپ تانىلعان.
«ىبىراي مولدا” مەشىتىنىڭ يمامى تالعات نۇرمان قمدب-نىڭ قاۋلىسىمەن قىزمەتىنەن بوساتىلدى. سوت ونى سىبايلاس جەمقورلىق قىلمىسى ءۇشىن كىنالى دەپ تانىپ, وڭالتۋعا جاتپايتىن نەگىزدەر بويىنشا قىلمىستىق جاۋاپكەرشىلىكتەن بوساتۋىنا بايلانىستى قىزمەتىنەن كەتتى. نۇرماننىڭ قمدب جۇيەسىنەن بوساتىلعاننان كەيىنگى جۇمىس ورنى مەن قىزمەتى تۋرالى ناقتى مالىمەت جوق», – دەلىنگەن حابارلامادا.
تامىز ايىندا مەشىتتىڭ بۇرىنعى يمامى تالعات نۇرمان مەن سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرى سەرىك ابىلقايىروۆ جەمقورلىق ءۇشىن سوتتالعان بەدى. نۇرمان «يمام دەسترۋكتيۆتى ءدىني اعىمداردى جاقتاۋشىلاردان اقشا الادى جانە ەكى ايەلدى اسىرايدى» دەگەن كۇدىك تۋدىرعان تەكسەرۋدەن قۇتىلۋ ءۇشىن سىبايلاس جەمقورلىققا قارسى ءىس-قيمىل ورگانىنىڭ قىزمەتكەرىنە 1 ميلليون تەڭگە بەردى.
الايدا اقشا بەرىلگەن سوڭ يمامنىڭ ءوزى قۇقىق قورعاۋ ورگاندارىنا حابارلاسىپ, ءىس قوزعالعان. سوت نۇرماندى پارا الۋعا ارەكەتتەنگەنى ءۇشىن كىنالى دەپ تانىدى. الايدا ونى قىلمىستىق جاۋاپكەرشىلىكتەن بوساتتى. جازدا يمامعا ۇكىم شىعارىلدى.
سونداي-اق ءمۇفتيات بۇرىنعى يمامنىڭ ايەلدەرىنىڭ سانى مەن ونىڭ دەسترۋكتيۆتى اعىمدارمەن بايلانىسى تۋرالى اقپاراتتى راستامادى. قمدب وز قىزمەتكەرلەرىنىڭ جەكە ومىرىنە ارالاسپايتىنىن جەتكىزدى.
