1 mln adamnyń eńbek sharty joq: «Ádildik jáne órkendeý» qory eńbek quqyǵyn qorǵaýdy jalǵastyrady

Foto: Kýrsıvmedıa

«Ádildik jáne órkendeý» qoǵamdyq qorynyń jobalary men bastamalary kásiporyndardaǵy qaýipsizdik tehnıkasyn saqtaý, mekteptegi tamaq sapasyn baqylaý, jóndelgen joldyń sapasyn tekserý sekildi mańyzdy máselelerge arnalǵan. Qor qazaqstandyqtardyń eńbek quqyǵyn qorǵaýǵa qatysty tegin zańgerlik kómek kórsetedi. Jaqynda qor  eńbek quqyǵyn buzý faktilerin anyqtaýǵa kiristi, – dep habarlaıdy qandastar.kz

Ulttyq statıstıka bıýrosynyń málimetine súıensek, elimizde 1 mln astam azamat eńbek shartynsyz jumys istep júr. Sonyń bir mysaly, Nıkıta Pletnev – Aqmola oblysy, Talapker aýylynda gaz qubyryn júrgizýge jumysqa alynady. Ol óz jumysyn tııanaqty atqarsa da, jumys berýshi onymen eńbek shartyn jasaspaıdy jáne sony jeleý etip eńbek aqysyn tolyq kólemde tólemeıdi.

Ekonomıkadaǵy mundaı «kóleńkeli» qubylystarmen memleket barynsha kúresip jatqanmen, resmı derekter eńbek shartynsyz jumys istep júrgen azamattardyń az emestigin kórsetip otyr. Olardyń arasynda jastar da, egde jastaǵy azamattar da, aýyl eńbekkerleri men qalalyq kásiporyndardyń qyzmetkerleri, bilimi joq azamattarmen qatar, dıplomy bar qazaqstandyqtar da bar.

Eńbek shartynsyz jumys isteýdiń saldary qandaı? Bul – demalyssyz jumys isteý, áleýmettik tólemderden qaǵylý, jaraqat alǵan jaǵdaıda kepilsiz qalý. Mańdaı termen tapqan adal aqyny ala almaı, sebepsiz jumystan qýylý degen sóz. Mundaı jumys berýshi jumyskermen qosa, memleketten de aılasyn asyryp otyr. Sebebi, tabysyn jasyrady.

Shart jasasýdan nemese onyń bir danasyn qyzmetkerdiń qolyna berýden bas tartqan jumys berýshi Eńbek kodeksiniń 33-babyn óreskel buzyp otyr. Demek, mundaı jaǵdaı «Ádildik jáne órkendeý» qoǵamdyq qoryna júginýge sebep bola alady.

Qoǵamdyq qor barlyq qazaqstandyqtan eńbek shartynsyz jumysqa alý faktisi týraly habarlaýdy suraıdy. О́zińiz, dosyńyz nemese týysyńyz kelisimshartsyz jumys istese, jumys berýshi eńbek quqyǵyn buzsa – Qorǵa habarlańyz.

Aqparatty +7 778 978 0212 nómiri boıynsha nemese adil.enbek@gmail.com poshtasyna jiberýge bolady. Qajet bolǵan jaǵdaıda Qor ótinishtiń qupııalylyǵyna kepildik beredi.