جاڭالىقتار
1 تامىزدان باستاپ جولاقى قىمباتتايدى
فوتو: استانا قالاسىنىڭ اكىمدىگى
استانادا 1 تامىزدان باستاپ قوعامدىق كولىكتە جول ءجۇرۋ ءتاريفى كوتەرىلەدى, دەپ حابارلايدى Skifnews.kz اقپارات پورتالى.
قالا اكىمدىگىنىڭ حابارلاۋىنشا, استانادا قوعامدىق كولىكتە جول ءجۇرۋ قۇنى 1 تامىزدان باستاپ 90 تەڭگەدەن 110 تەڭگەگە دەيىن ارتادى. قالالىق مارشرۋتتاردا جول جۇرۋگە 90 تەڭگە تاريف 2014 جىلدىڭ قىركۇيەگىندە بەلگىلەندى. بۇعان دەيىن قاۋلى جوباسى اشىق نقا پورتالىندا جاريا تالقىلاۋعا شىعارىلعان بولاتىن.
ايتا كەتۋ كەرەك, استانادا جانە قالا ماڭىندا وقيتىن 18 جاسقا دەيىنگى بالالار ءۇشىن قوعامدىق كولىكتە جول ءجۇرۋ 2020 جىلدىڭ ناۋرىز ايىنان باستاپ تەگىن ۇيىمداستىرىلىپ كەلەدى. مىندەتتى شارت – مەكتەپتىڭ كولىك كارتاسىنىڭ بولۋى جانە ونى اۆتوبۋستا ۆاليداتسيا وتكىزۋ.
سونداي-اق كەلەسى ساناتتارعا جاتاتىن ازاماتتار جەڭىلدىككە يە:
1) ۇلى وتان سوعىسىنىڭ قاتىسۋشىلارى مەن مۇگەدەكتەرى جانە ولارعا تەڭەستىرىلگەن ادامدار;
2) جاسى جانە ەڭبەك سىڭىرگەن جىلدارى بويىنشا زەينەتكەرلەر, سونداي-اق جاسى بويىنشا جانە اسىراۋشىسىنان ايىرىلۋ جاعدايى بويىنشا زەينەتكەرلىك جاسقا تولعان مەملەكەتتىك الەۋمەتتىك جاردەماقى الۋشىلار;
3) كوپ بالالى انالار;
4) كوپبالالى وتباسىلار;
5) مۇگەدەكتەر;
6) ون سەگىز جاسقا دەيىنگى مۇگەدەك بالالار, ونىڭ ىشىندە اتا-انالارىنىڭ ءبىرى (زاڭدى وكىلدەرى).
7) «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن اقتالعان 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنان ساياسي قۋعىن-سۇرگىن قۇرباندارى.
