1 tamyzdan bastap jolaqy qymbattaıdy

Foto: Astana qalasynyń ákimdigi

 Astanada 1 tamyzdan bastap qoǵamdyq kólikte jol júrý tarıfi kóteriledi, dep habarlaıdy Skifnews.kz aqparat portaly.

Qala ákimdiginiń habarlaýynsha, Astanada qoǵamdyq kólikte jol júrý quny 1 tamyzdan bastap 90 teńgeden 110 teńgege deıin artady. Qalalyq marshrýttarda jol júrýge 90 teńge tarıf 2014 jyldyń qyrkúıeginde belgilendi. Buǵan deıin qaýly jobasy ashyq NQA portalynda jarııa talqylaýǵa shyǵarylǵan bolatyn.

Aıta ketý kerek, Astanada jáne qala mańynda oqıtyn 18 jasqa deıingi balalar úshin qoǵamdyq kólikte jol júrý 2020 jyldyń naýryz aıynan bastap tegin uıymdastyrylyp keledi. Mindetti shart – mekteptiń kólik kartasynyń bolýy jáne ony avtobýsta valıdaııa ótkizý.

Sondaı-aq kelesi sanattarǵa jatatyn azamattar jeńildikke ıe:

1) Uly Otan soǵysynyń qatysýshylary men múgedekteri jáne olarǵa teńestirilgen adamdar;

2) jasy jáne eńbek sińirgen jyldary boıynsha zeınetkerler, sondaı-aq jasy boıynsha jáne asyraýshysynan aıyrylý jaǵdaıy boıynsha zeınetkerlik jasqa tolǵan memlekettik áleýmettik járdemaqy alýshylar;

3) kóp balaly analar;

4) kópbalaly otbasylar;

5) múgedekter;

6) on segiz jasqa deıingi múgedek balalar, onyń ishinde ata-analarynyń biri (zańdy ókilderi).

7) «Jappaı saıası qýǵyn-súrgin qurbandaryn ońaltý týraly» Qazaqstan Respýblıkasynyń Zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqıǵalarǵa qatysýshylar qatarynan saıası qýǵyn-súrgin qurbandary.