10 myń volttyq toqqa túsken qazaqstandyq aman qaldy

Foto: Almaty DSB

Naýqas óz qateliginen jaraqat alǵan.

Dárigerler 27 jastaǵy er adamdy aman alyp qalý úshin 2 aı kúresti. Uzaq ýaqytqa sozylǵan em men 5 plastıkalyq otanyń arqasynda er adam aıaqqa turdy, dep habarlady turkystan.kz portaly Stan.kz aqparat agenttigine silteme jasap.

10 myń volttyq toqqa túsken Aıan Jetisý oblysy Alakól aýdanynda elektr montajdaýshy bolyp jumys isteıdi. Ol kóktemde jumysta júrip toqqa túsken. Alǵashqy 10 kún jansaqtaý bóliminde jatsa, jaǵdaıy turaqtalǵan soń Almatydaǵy №4 qalalyq klınıkalyq aýrýhanaǵa aýystyryldy.

Kombýstıolog mamandar naýqasqa ekinshi dárejeli elektr jaraqaty, bilek, qol, ish, tabannyń IV dárejeli kúıik dıagnozyn qoıdy. Dáriger-kombýstıolog Eldos Álmenovtyń aıtýynsha, er adam aýrýhanaǵa aýyr jaǵdaıda jetkizilgen.

“53 kún emdelip, 5 ret plastıkalyq ota jasaldy. Oń men sol qolynyń suq saýsaǵy jansyzdanyp qaldy. Dese de hırýrgtar qoldaǵy ınfekııanyń taralýy men aıaǵyn kesip tastaýdyń aldyn alyp, qalǵan saýsaqtaryn aman alyp qaldy. Aıan aýrýhanadan úıine jiberildi”, – deıdi ol.

Naýqas óz qateliginen jaraqat alǵanyn aıtady. Ol ózin aıaqqa turǵyzǵan dárigerlerge alǵysyn bildirdi.

“Qalalyq aýrýhananyń dárigerleri men qyzmetkerleriniń maǵan jasaǵan jaqsylyqtary úshin alǵys aıtamyn. 53 kún boıy meniń ómirim úshin kúresti, medbıkeler qarady, dárigerler emdedi. Dárigerlerge alǵysym sheksiz”, – deıdi Aıan.