100 myń teńge para alǵan: Pavlodarda Kóshi-qon polıııasynyń qyzmetkeri sottaldy

Pavlodar qalasynda Kóshi-qon polıııasynyń qyzmetkeri sottaldy, – dep habarlaıdy Aikyn.kz.

Pavlodar qalasynyń №2 soty kóshi-qon polıııasynyń qyzmetkeri K.-ǵa qatysty para berýshiniń paıdasyna zańsyz áreketter jasaǵany úshin para alý faktisi boıynsha (QK-niń 366-baby  2-bóligi) qylmystyq isti qarady.

«K. 2022 jyldyń 31 tamyzy men 2023 jyldyń 23 sáýiri aralyǵynda shetel azamaty E.-den kóshi-qon zańnamasyna sáıkes ákimshilik jaýapkershilikke tartpaǵany ári Qazaqstanda ýaqytsha turýǵa ruqsat bergeni úshin jalpy somasy 100 000 teńgeni para retinde alǵan. Sottalýshynyń kinási kýálardyń aıǵaqtarymen, qujattyq dáleldemelermen jáne saraptamalyq qorytyndylarmen dáleldendi», – dep jazdy Pavlodar oblystyq soty.

Para alǵany úshin (QK-niń 366-baby 2-bóligi) zań boıynsha negizgi jaza retinde aıyppul nemese 3 jyldan 7 jylǵa deıin bas bostandyǵynan aıyrý jazasy kózdelgen. Qylmys jasaý uzaqmerzimdi, júıeli túrde bolǵanyn, istiń mán-jaıyn ári K.-nyń jeke basyn eskere otyryp, sot oǵan neǵurlym jeńil jaza, ıaǵnı aıyppuldy taǵaıyndaýǵa negiz kórmedi.

«Sonymen qatar  sot kinásin tolyq moıyndaýyn, shyn júrekten ókinýin, qylmystyq quqyqbuzýshylyqty ashýǵa belsene kómektesýin jáne onyń jasyn eskere otyryp, K.-ǵa tómen merzim – 3 jylǵa bas bostandyǵynan aıyrý jazasyn taǵaıyndady. Sondaı-aq  K. «polıııa aǵa leıtenanty» arnaýly ataǵynan ári ómir boıyna memlekettik qyzmette laýazymdardy atqarý quqyǵynan aıyryldy. Úkim zańdy kúshine engen joq», – delingen aqparatta.