1000 دونەر تاراتىلادى: استانادا تەگىن دونەرگە 4000 ادام جينالعان

فوتو: ۆيدەودان سكرينشوت

استانادا ولجاسحان لاقاپ اتىمەن تانىمال بلوگەر ولجاس قايرات جارناما جاسايمىن دەپ, ءتورت كوشەدە قوزعالىستىڭ شەكتەلۋىنە سەبەپ بولعان, دەپ حابارلايدى qandastar.kz.

بلوگەر جەلىدە ءدامحانانىڭ اشىلۋىنا وراي «1000 دونەر تەگىن تاراتىلادى» دەگەن جارناما جاساعان. دەگەنمەن كەلۋشىلەر سانى 4 مىڭ ادامنان اسىپ كەتىپتى. سول ءۇشىن ءتارتىپ ساقشىلارى دا شاقىرتىلعان. ال كەلۋشىلەرگە دونەر ەمەس, تالون تاراتىلعان.

كەيىننەن بلوگەردىڭ ءوزى كەلەڭسىزدىك ءۇشىن كەشىرىم سۇراپ, ۇيىمداستىرۋشىلاردىڭ قوناقتارمەن سۋرەتكە تۇسۋگە رۇقسات بەرمەي قويعانىن ايتىپ اقتالدى.

وسىلاي بولىپ كەتەدى دەپ ويلامادىق. بۇل جوسپاردان تىس بولدى. مەن ءۇشىن كەلگەندىكتەن, بارلىعىنا شىعىپ سۋرەتكە تۇسكىم كەلدى. الايدا ماعان رۇقسات بەرمەدى. كەشىرىم سۇرايمىن, – دەدى ولجاس قايرات.

ال قالالىق پوليتسيا دەپارتامەنتى ۇيىمداستىرۋشىلاردىڭ تۇلعاسىن انىقتاپ, جەكە كاسىپ يەسى اكىمشىلىك جاۋاپكەرشىلىككە تارتىلعانىن العا تارتتى.