Jol apatyna túsken oraldyq oǵan ákimdikti kinálap, 603 myń teńge óndirip aldy

Foto: pixabay.com

Jol apatyna túsken Oral turǵyny ákimdikten kóliginiń shyǵyndaryn óndirip aldy, Bul týraly Stan.kz aqparat agenttigi «Moı GOROD» portalyna silteme jasap habarlaıdy.

Is materıaldaryna sáıkes, Ábilqaıyr han men Syrym Datov kóshesi qıylysyndaǵy joldyń sapasy nashar bolǵandyqtan er adam jol apatyna túsip, qaltasynan biraz shyǵyn shyǵarǵan.

Sóıtip turǵyn úı-kommýnaldyq sharýashylyq bólimi jol sapasyna qatysty mindetin durys oryndamaǵan dep eseptep, sot arqyly 788 myń teńge aqsha óndirýdi talap etken.

«Sot is materıaldaryn zerdeleı kele, materıaldyq zalaldyń keltirilý faktisi ákimshilik quqyq buzýshylyq týraly is materıaldarymen rastalǵanyn anyqtady. Biraq sarapshynyń qorytyndysy boıynsha, kólikti jóndeý jumystarynyń quny 603 myń teńge bolǵan», – dep habarlady baspasóz qyzmeti.

Osyǵan baılanysty sot talap aryzdy ishinara qanaǵattandyrdy. Turǵyn úı-kommýnaldyq sharýashylyq bólimi er adamnyń paıdasyna 603 myń teńge materıaldyq shyǵyndy jáne 6 037 teńge memlekettik baj salyǵyn tóleýge mindetteldi.