جاڭالىقتار
103 جاستاعى كەيۋانانى اقتىق ساپارعا اقشا شاشىپ شىعارىپ سالعان
جەلىدە مارقۇمدى اقتىق ساپارعا شىعارىپ سالعان ۆيدەو تارادى, دەپ حابارلايدى qandastar.kz اقپارات پورتالى.
كادرلاردان جينالعانداردىڭ اقشا شاشىپ جاتقانىن كورۋگە بولادى. ال ۆيدەو اۆتورى اجەسىنىڭ 103 جاسقا كەلىپ, قايتىس بولعانىن جازدى.
«103 جاسقا كەلىپ, ءبىز دە وسىلاي ابىرويمەن كەتۋدى بۇيىرسىن», – دەپ جازدى ۆيدەو اۆتورى.
جەلى قولدانۋشىلارىنىڭ پىكىرى ەكىگە جارىلدى. ءبىرى مۇنى بۇرىننان بار عۇرىپ دەسە, ءبىرى «قازانىڭ اتى – قازا» دەيدى.
«103 جاسقا كەلسە دە, ادام ءولىمى بولىپ جاتىر عوي, اقشا شاشىپ نە كورىندى», «كەشىر, اللا, بەتاشار بولىپ جاتىر ەكەن دەپ ويلاپ قالدىم عوي», «مەن قارسىمىن, 200-گە كەلسە دە, اكەڭ, شەشەڭ, قيمايسىڭ عوي», «توي عوي, بارىمىزگە بۇيىرسىن», «ەل ەسىنەن اۋىسايىن دەگەن ەكەن», – دەپ جازدى جەلى قولدانۋشىلارى.
