جاڭالىقتار
105 ملن جىمقىرعاندار سوتتالدى
مۇنداي قىلمىستى مادەنيەت جانە سپورت مينيسترلىگىنىڭ مۇراعات ىستەرى مەن قۇجاتتاما كوميتەتى توراعاسىنىڭ ورىنباسارى IT كومپانيانىڭ ديرەكتورىمەن بىرىگىپ جاساعان. قازىر كۇدىكتىلەردىڭ ارقايسىسى 6,5 جىلعا باس بوستاندىعىنان ايىرىلىپ وتىر. ۇكىمگە سايكەس سوتتالۋشىلار كەلىتىرىلگەن زالالدى وتەۋى ءتيىس.
الىبەك ءابدىلوۆ, قر قارجىلىق مونيتورينگ اگەنتتىگىنىڭ رەسمي وكىلى: – قاراجاتتى جىمقىرۋ «قۇجاتتاردىڭ بىرىڭعاي ەلەكتروندىق مۇراعاتى» اقپاراتتىق جۇيەسىن تەحنيكالىق سۇيەمەلدەۋگە بيۋدجەت اقشاسىن ءبولۋ جانە اۋدارۋ ارقىلى كومپيۋتەرلىك تەحنولوگيالار سالاسىنداعى تەرمينولوگيانى قولدانا وتىرىپ, ورىندالعان جۇمىستارعا قايتا قوسۋ ارقىلى جۇزەگە اسىرىلعاندىعى انىقتالدى.
ۇرلانعان اقشا قاراجاتى قىلمىستىق شىعۋ تەگىن جاسىرۋ جانە زاڭدى اينالىمعا ەنگىزۋ ماقساتىندا سەنىمدى تۇلعالارعا راسىمدەلگەن قىمبات جىلجىمالى جانە جىلجىمايتىن م ۇلىكتى ساتىپ الۋعا باعىتتالعان.
