الماتى ىرگەسىندە بالالارعا شابۋىل جاسالعان: ەر ادام زورلادى دەگەن كۇدىككە ءىلىندى

ەسكە سالايىق, 16 اقپاندا قازاقستاندى ادامشوشىرلىق وقيعا تۋرالى حابار ەلەڭ ەتكىزدى. الماتى وبلىسىنىڭ جامبىل اۋدانىندا بەلگىسىز ەر ادام ۇيگە باسىپ كىرىپ, ونداعى ءتورت بالاعا شابۋىل جاساعان. سوسىن ولاردى ۇرىپ-سوعىپ, بايلاپ, تاماعىنا پىشاق سۇققانى حابارلاندى. بالالاردىڭ ايعايىنا كورشىلەرى جۇگىرىپ كەلگەن.

پروكۋراتۋرا مالىمەتىنشە, ۇيگە باسا-كوكتەپ كىرگەن ەر ادامعا قاتىستى ءۇش باپ بويىنشا سوتالدى تەرگەۋ جۇرگىزىلگەن:

• 120-باپتىڭ 1-بولىگى «زورلاۋ, ياعني جابىرلەنۋشىگە نەمەسە باسقا ادامدارعا كۇش قولدانىپ نەمەسە ونى قولدانۋ قاتەرىن ءتوندىرىپ نە جابىرلەنۋشىنىڭ دارمەنسىز كۇيىن پايدالانىپ جىنىستىق قاتىناسقا ءتۇسۋ», 120-باپتىڭ 4-بولىگى «زورلاۋ» , ياعني جابىرلەنۋشىگە نەمەسە باسقا ادامدارعا كۇش قولدانامىن نەمەسە ونى قولدانامىن دەپ قورقىتۋ ارقىلى نە جابىرلەنۋشىنىڭ دارمەنسىز جاعدايىن پايدالانىپ, بىرنەشە رەت جاسالعان جىنىستىق قاتىناس»;
• 126-باپتىڭ 2-بولىگىنىڭ 5, 7-تارماقتارى «كامەلەتكە تولماعان ادامعا قاتىستى, ەكى نەمەسە ودان دا كوپ ادامعا قاتىستى باس بوستاندىعىنان زاڭسىز ايىرۋ»;
• 149-باپتىڭ 2-بولىگى «كۇش قولدانىپ نە ونى قولدانۋ قاتەرىن ءتوندىرىپ جاسالعان نەمەسە ادامدار توبى جاساعان نەمەسە تۇنگi ۋاقىتتا جاسالعان نەمەسە زاڭسىز تiنتۋمەن ۇلاسقان ءدال سول ءىس-ارەكەت, سول سياقتى تۇرعىنجايدان زاڭسىز شىعارۋ».

ەسكە سالايىق, الماتى وبلىسىنىڭ جامبىل اۋدانىندا بەلگىسىز بىرەۋ كامەلەتكە تولماعان ءتورت بالانى بايلاپ, ۇرىپ, قيناپ, پىشاقپەن قورقىتقان. بۇل دەرەككە قاتىستى وبلىس باسشىسى باۋىرجان الەنوۆ پىكىر بىلدىرگەن ەدى.

ءۇش ۇل بالا مەن ءبىر قىزدىڭ شىرىلداعان داۋسىن ەستىگەن كورشىلەرى جۇگىرىپ كەلىپتى. كۇدىكتى سول ساتتە قاشىپ ۇلگەرگەن. بالالاردىڭ ۇلكەنى 13 جاستا. قالعانى 12, 10 جانە 8 جاستا. كۇدىكتى ولاردىڭ تاماعىنا پىشاق تاقاپ قورقىتىپ, ءتىپتى زورلاماق بولىپتى.

«پەدوفيلدىڭ كەلگەنىن كوردىك. كورشىلەرمەن جابىلىپ جەتكەنشە قاشىپ ۇلگەردى. ەسىكتەن كىرگەن عوي, اناسىنىڭ ۇيدەن شىعىپ كەتكەنىن كورىپ. ال تەرەزەنى, بالالاردى قۇتقارامىز دەپ كورشىلەر سىندىردى», – دەدى جادىرا جاناباەۆا.

سۇمدىق جاعدايدان كەيىن بالالاردىڭ تورتەۋى دە اۋرۋحاناعا جەتكىزىلگەن. دارىگەرلەر شۇعىل مەديتسينالىق كومەك كورسەتىپ, باسى مەن بەتىنەن جاراقات العان كەنجە ۇلىن وبلىستىق بالالار اۋرۋحاناسىنا جاتقىزعان. قالعانىن امبۋلاتوريالىق ەمگە جىبەرگەن.