«12 jastaǵy balany skotchpen baılap tastaǵan»: SQO-da qaraqshylyq jasaǵan kúdiktiler ustaldy

Foto: derekkóz

Soltústik Qazaqstan oblysynyń polıeıleri Taıynsha aýdanynyń turǵyny men onyń jıenine qaraqshylyq jasaǵan kúdiktilerdi ustady, dep habarlaıdy Ulysmedia.kz.

Polisia.kz portalynyń jazýynsha, qylmys 9 tamyzǵa qaraǵan túni bolǵan. Belgisiz adamdar 41 jastaǵy aýyl turǵynynyń úıine kirip, ony jáne 12 jastaǵy jıenin skotchpen baılap, úıdegi bar aqshany, eki telefondy jáne altyn buıymdardy qoldy qylǵan. Keltirilgen zalal somasy aldyn ala esepteý boıynsha shamamen 640 myń teńgeni qurady.

Shabýyl jasaǵandar úıden shyǵyp ketkennen keıin bala qolyndaǵy skotchty tistep sheshken. Keıin alys emes jerde ornalasqan ýchaskelik polıııa ınspektorynyń úıine baryp, bolǵan jaǵdaı týraly habarlaǵan.

Jasalǵan qylmys týraly habarlama aýdandyq polıııa bólimine saǵat 23:40-ta kelip tústi. Polıııanyń barlyq kúshi dereý kúdiktilerdi izdeýge jumyldyryldy. Tártip saqshylary esepte turǵan adamdardy tekserip, aýylǵa kelgen adamdar men bóten kólikter týraly aqparat jınaı bastady.

Nátıjesinde Soltústik Qazaqstan oblysy men Aqmola oblysynyń 30 ben 38 jas aralyǵyndaǵy tórt kúdikti turǵyny anyqtaldy. Taıynsha aýdanynyń polıııa bólimi jáne krımınaldyq polıııa basqarmasynyń jedel qyzmetkerleri olardy Astana qalasynyń aýmaǵynda ustady. Qazirgi ýaqytta úsh aıyptalýshy qamaýǵa alyndy. Urlanǵan zattardyń bir bóligi tárkilenip, tonaý faktisi boıynsha sotqa deıingi tergeý júrgizilip jatyr, – dedi Soltústik Qazaqstan oblysy Polıııa departamenti Krımınaldyq polıııa basqarmasynyń bastyǵy Ivan Terzıdı.

Qazaqstan Respýblıkasy Qylmystyq kodeksiniń 192-babynyń sankııasyna sáıkes adamdar tobynyń aldyn ala sóz baılasýymen, turǵyn jaıǵa zańsyz enýmen jasalǵan qaraqshylyq 7 jyldan 12 jylǵa deıingi merzimge bas bostandyǵynan aıyrýmen jazalanady.