جاڭالىقتار
«13 جىل بويى بالالى بولا الماعان»: ءانشى بالجان بيداش كىشكەنتاي قىزدىڭ تۇساۋىن كەستى
ءانشى بالجان بيداش اقتاۋدا كىشكەنتاي قىزدىڭ تۇساۋىن كەستى, دەپ حابارلايدى Qandastar.kz.
بالجانعا ءبۇلدىرشىننىڭ اناسى ءوتىنىش ايتقان.
«اقتاۋعا قوش كەلدىڭىز! سىزگە قىزىمنىڭ تۇساۋىن كەستىرىپ الايىنشى. 13 جىل بالالى بولا الماي, اللا تاعالانىڭ مەيىرىم ءتۇسىپ 13 جىلدان كەيىن تاپقان باعىم قىزىم», — دەيدى بالانىڭ اناسى.
ءانشى بولسا, جانكۇيەرىنىڭ ءوتىنىشىن جەرگە تاستاماعان.
«13 جىل بويى جۇرەكپەن كۇتكەن پەرىشتە. كوزىندەگى جاسى دا, كۇلكىسى دە — ءومىردىڭ شىنايىلىعى. ءار باسقان قادامى بەرەكەلى, باعى اشىق بولسىن, بالاپان! اقتاۋداعى مەيىرىم مەن ماحاببات ءۇشىن راقمەت!», — دەپ جازدى بالجان بيداش.
