جاڭالىقتار
«13 جىل قۇلدىقتا بولعان»: تۇركىستاندا اناسى مەن ۇلىنا ەكى بولمەلى پاتەر سىيعا تارتىلدى
فوتو: www.istockphoto.com
تۇركىستان وبلىسىندا 13 جىل قۇلدىقتا بولعان اناسى مەن ۇلىنا حالىق قاراجات جيناپ, ەكى بولمەلى پاتەر الىپ بەردى. بۇل تۋرالى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسi نازىم جانعازى الەۋمەتتىك جەلىدەگى پاراقشاسىندا حابارلادى.
نازىم جانعازى ءوزىنىڭ Instagram-داعى پاراقشاسىندا قۇلدىقتا بولعان اناسى مەن بالانىڭ قازىرگى جاعدايىمەن تانىسۋ ءۇشىن داعدارىس ورتالىعىنا بارعانىن ءسوز ەتتى. سونداي-اق, ولارعا حالىق قولداۋىمەن ءبىر تاۋلىكتە قوماقتى قارجى جينالعانىن ايتتى.
«ناۋم تۋرالى ايتقاننان كەيىن قۇربىم گۇلميرا ابدراشەۆا جانە ونىڭ وقىرماندارى بىرىگىپ, ناۋم مەن ونىڭ اناسىنا پاتەر الۋ ءۇشىن 23 ساعاتتا 25 ميلليون تەڭگە جينادى. كەلەسى كۇنى ۆولونتەرلەرمەن بىرگە شىمكەنتكە ۇشتىم. 13 جىلعا قۇلدىقتان كەيىن جاڭا ءومىر باستاۋى ءۇشىن ولاردىڭ تۇرعىلىقتى جەرىن وزگەرتۋدى ۇيعاردىق», – دەپ جازدى ول.
ونىڭ ايتۋىنشا, اناسى مەن بالاسى قازىر ومىرگە بەيىمدەلۋ ءۇشىن داعدارىس ورتالىعىندا تۇرىپ جاتىر.
ء«بىز ەكى بولمەلى پاتەر الدىق. پاتەر تازا, جايلى, كورشىلەرى مەيىرىمدى. پاتەردى قاراپ شىققاننان كەيىن بىردەن قۇجاتتاردى راسىمدەۋگە باردىق. ول جەردە داعدارىس ورتالىعىنىڭ وكىلى دە بولدى. ازىرگە ولار تولىقتاي الەۋمەتتەنۋ جانە بەيىمدەلۋ ءۇشىن داعدارىس ورتالىعىندا قالىپ وتىر. كەيىن ولار جاڭا پاتەرىنە كوشىپ, ءارى قاراي داعدارىس ورتالىعى مەن ءبىزدىڭ باقىلاۋدا بولادى», – دەپ مالىمدەدى نازىم جانعازى.
قازىر ناۋمنىڭ قۇجاتتارىن قالپىنا كەلتىرىلىپ جاتىر.
«پاتەردى ساتىپ العاننان كەيىن بىردەن رۋسلان بەردەنوۆكە جولىقتىق. ول ناۋممەن جەكە تانىسىپ, جۇمىس ۇسىندى. ناۋم تولىقتاي الەۋمەتتەنىپ, بەيىمدەلىپ, بارلىق قاجەت قۇجاتتاردى العاننان كەيىن وقۋعا جانە جۇمىسقا كىرىسە الادى», – دەلىنگەن جازبادا.
