Jańalyqtar
«13 jyl quldyqta bolǵan»: Túrkistanda anasy men ulyna eki bólmeli páter syıǵa tartyldy
Foto: www.istockphoto.com
Túrkistan oblysynda 13 jyl quldyqta bolǵan anasy men ulyna halyq qarajat jınap, eki bólmeli páter alyp berdi. Bul týraly Prezıdent janyndaǵy áıelder isteri jáne otbasylyq-demografııalyq saıasat jónindegi ulttyq komıssııa múshesi Nazym Janǵazy áleýmettik jelidegi paraqshasynda habarlady.
Nazym Janǵazy óziniń Instagram-daǵy paraqshasynda quldyqta bolǵan anasy men balanyń qazirgi jaǵdaıymen tanysý úshin daǵdarys ortalyǵyna barǵanyn sóz etti. Sondaı-aq, olarǵa halyq qoldaýymen bir táýlikte qomaqty qarjy jınalǵanyn aıtty.
«Naým týraly aıtqannan keıin qurbym Gúlmıra Abdrasheva jáne onyń oqyrmandary birigip, Naým men onyń anasyna páter alý úshin 23 saǵatta 25 mıllıon teńge jınady. Kelesi kúni volonterlermen birge Shymkentke ushtym. 13 jylǵa quldyqtan keıin jańa ómir bastaýy úshin olardyń turǵylyqty jerin ózgertýdi uıǵardyq», – dep jazdy ol.
Onyń aıtýynsha, anasy men balasy qazir ómirge beıimdelý úshin daǵdarys ortalyǵynda turyp jatyr.
«Biz eki bólmeli páter aldyq. Páter taza, jaıly, kórshileri meıirimdi. Páterdi qarap shyqqannan keıin birden qujattardy rásimdeýge bardyq. Ol jerde daǵdarys ortalyǵynyń ókili de boldy. Ázirge olar tolyqtaı áleýmettený jáne beıimdelý úshin daǵdarys ortalyǵynda qalyp otyr. Keıin olar jańa páterine kóship, ári qaraı daǵdarys ortalyǵy men bizdiń baqylaýda bolady», – dep málimdedi Nazym Janǵazy.
Qazir Naýmnyń qujattaryn qalpyna keltirilip jatyr.
«Páterdi satyp alǵannan keıin birden Rýslan Berdenovke jolyqtyq. Ol Naýmmen jeke tanysyp, jumys usyndy. Naým tolyqtaı áleýmettenip, beıimdelip, barlyq qajet qujattardy alǵannan keıin oqýǵa jáne jumysqa kirise alady», – delingen jazbada.
