Jańalyqtar
«Batalov jetelep kelgen…» – Almaty oblysyndaǵy eń baı aýdannyń ákimi ne úshin ustaldy?
Foto: nege.kz
Almaty oblysy Ile aýdanynyń ákimi Baǵdat Qarasaevt ustaldy. Almaty oblysyndaǵy eń baı ári úlken aýdannyń ákimi neden jazyqty boldy? Resmı taǵylǵan aıyptyń beıresmı astary bar ma?, – dep habarlaıdy qandastar.kz nege.kz-ke silteme jasap.
Almaty oblysynyń prokýratýrasy B.Qarasaevtyń ustalýynyń sebebin bylaı túsindirdi: «Almaty oblysynyń prokýratýrasy men oblystyq Jemqorlyqqa qarsy qyzmet Ile aýdanyndaǵy qoqys polıgonyna qatysty birlesken tekserýdi aıaqtady. Jedel tergeý sharalarynyń nátıjesinde 2024 jyldyń 3 qyrkúıeginde QR Qylmystyq-proesýaldyq kodeksiniń 128-131 baptaryna sáıkes jemqorlyq kúdigi boıynsha ákim Qarasaev ustaldy. Oǵan kásipkerlikpen zańsyz aınalysty, qyzmet ókilettigin asyra paıdalandy, memleket múddesine zııan keltirdi degen aıyptar taǵyldy».
О́ńirdegi eń úlken qoqys polıgony Ile aýdanynda ornalasqan. Polıgonnyń aýmaǵy 40 gektarǵa jýyq. Bul jerdiń «syzdaýyqqa» aınalǵanyna biraz bolǵan. Onsyz da sasyp jatqan polıgonnan 2020 jyly órt shyqty. Qyrsyqqanda, dál sol kúnderi jel kúsheıip, «Qazavıaqutqarý» AQ-nyń tikushaǵyn shaqyryp, órtti áýpirimmen áreń sóndirgeni este. Qoqys polıgonynyń mańaıynda turatyn birneshe myń halyqqa obal-aq. Kóktem shyǵyp kún jylt etkennen-aq qolqany qabatyn sasyq ıisten bólek, bul polıgon onsyz da eki ókpesinen demalyp turǵan Almatynyń ekologııasyn odan ári búldirip jatyr.
Qoqys polıgonyn áldekimderdiń bızneske aınaldyryp alǵany týraly gý-gý jurt aýzynda burynnan júr. Olar qoqystan aqsha jasaý úshin sheteldik mıgranttardy da zańsyz paıdalanatyny eshkimge qupııa emes. Máselen bıylǵy jyldyń basynda Almaty oblystyq polıııa departamenti «Mıgrant» jedel sharasyn júrgizip, Ile aýdanyndaǵy qoqys polıgonynda zańsyz jumys istep júrgen 40 sheteldikti anyqtaǵan.
Bul týraly oblystyq PD bastyǵy Baýyrjan Álenov bylaı dep málimdedi: «Qoqys polıgonynda kórshi respýblıkalardyń azamattary zańsyz jumys istegen. Olardyń jeke basyn anyqtaý úshin Ile aýdandyq polıııa basqarmasyna jetkizildi. Jeke bastary anyqtalǵan soń zańǵa sáıkes ákimshilik jaýapqa tartylady».
Qoqys polıgonyn zańsyz bıznes jasap alǵandardyń «jeke basy» áldeqashan anyqtalyp qoıǵany anyq. Biraq osy ýaqytqa deıin olardyń NEGE jaýapqa tartylmaı kelgeni túsiniksiz.
Baǵdat Qarasaev Almaty oblysyndaǵy eń baı Ile aýdanyn 2018 jyldan beri basqaryp keldi. Oǵan deıin Qarasaev Alakól aýdanynyń ákimi, Almaty oblysy ákiminiń apparatynyń jetekshisi, Taldyqorǵan qalasynyń ákimi, Almaty oblysy ákiminiń keńesshisi boldy. 2022 jyly Jetisý oblysynyń ákimdigine kandıdat bolǵanyn da bilemiz.
Almaty oblysynyń jaǵdaıymen jaqsy tanys turaqty oqyrmanymyz Baǵdat Qarasaevty osy ýaqytqa deıin keshegi ákim, búgingi zeınetker Amandyq Batalovtyń «jetelep kelgenin» aıtady.
– Qarasaevtyń ómirbaıanyn qarasańyz, ol joǵary laýazymdy qyzmetterdiń bárin Amandyq Batalov Almaty oblysynyń ákimi bolyp turǵan kezde atqardy. Ony Ile aýdanyna ákim etip Batalov taǵaıyndady. Meniń bilýimshe, «qoqys polıgonyna qatystysty zańsyz kásipkerlikpen aınalysty» degen aıyp – aısbergtiń sý betindegi kórnisi ǵana. Aldaǵy ýaqytta qylmystyq is aıasy keńeıip, taıaqtyń bir ushy Almaty oblysynyń burynǵy ákimi Amandyq Batalovtyń da basyna tııýi múmkin, – deıdi oqyrmanymyz.
2018 jyly 3 qyrkúıekte óziniń keńesshisi B.Qarasaevty Ile aýdanynyń ákimi etip taǵaıyndaǵan Amandyq Batalov bylaı degen: «Qydyrgeldi Medeýov zeınet jasyna jetip, qyzmetinen bosatyldy. Jańa ákim túrli qyzmetterdi istedi, tájirıbesi zor. Oblys ekonomıkasy úshin Ile aýdanynyń orny erekshe. Jańa ákimniń aldynda úlken jumystar tur».
A.Batalov ózi taǵaıyndaǵan ákimniń tup-týra alty jyldan keıin ustalyp ketetinin bildi me eken, á? Bilmeýi de múmkin ǵoı…
4 qyrkúıek kúni prokýratýra B.Qarasaevqa qatysty bultartpaý sharasyna sankııa alý úshin qylmystyq is materıaldaryn sotqa ótkizgen. Qarasaevtyń eki aıǵa qamalǵany ıakı úıqamaqqa alynǵany týraly ázirge resmı habar joq…
