جاڭالىقتار
144 ملرد جىمقىرعان ەرتاەۆ بوستاندىقتا: سوت راقىمشىلىق سەبەبىن ءتۇسىندىردى
فوتو: اندرەي لۋپين
بۇعان دەيىن حابارلاعىنىمىزداي, 144 ملرد تەڭگە جىمقىردى دەگەن كۇدىكپەن 11 جىلعا سوتتالعان ەكس-بانكير جومارت ەرتاەۆ راقىمشىلىققا ىلىنگەن ەدى. الماتى وبلىسىنىڭ سوتى ەرتاەۆ قالاي راقىمشىلىققا ىلىنگەنىن تۇسىندىرگەن, دەپ جازادى qandastar.kz
Azattyq Rýhy مالىمەتىنشە, الماتى وبلىسى الاتاۋ قالالىق سوتىنىڭ ءباسپاسوز قىزمەتى حابارلاعانداي, ەرتاەۆتىڭ راقىمشىلىق تۋرالى ءوتىنىشى 2 قىركۇيەك كۇنى قارالعان ەكەن.
«ج.ەرتاەۆ 2020 جىلعى 16 قاراشادا الماتى قالاسى المالى اۋداندىق سوتىنىڭ ۇكىمىمەن قر قك-ءنىڭ 189-بابى 4-بولىگىنىڭ 2-تارماعى, 28-بابى 3-بولىگى, 228-بابى بويىنشا اۋىر قىلمىس جاساعانى ءۇشىن سوتتالعان. 2025 جىلعى 2 قىركۇيەكتەگى جاعداي بويىنشا ج.ەرتاەۆ 8 جىل 3 اي 14 كۇن باس بوستاندىعىنان ايىرۋ جازاسىن وتەدى (15.11.2018 جىلدان باستاپ قاماۋدا بولعان, قاماۋداعى ۋاقىتى ءبىر كۇنى ءبىر جارىم كۇنىمەن ەسەپتەلگەن), وتەلمەگەن مەرزىمى 11 اي 16 كۇن», — دەپ حابارلايدى سوت.
Skifnews.kz حابارلاعانداي, ەرتاەۆ وتىرعان قاماۋ ورنى ونىڭ مىنەز-قۇلقىنا وڭ باڭا بەرگەن ەكەن. ال, «راقىمشىلىق تۋرالى» زاڭعا ساي, ەگەر سوتتالعان ادامنىڭ قالعان مەرزىمى ءبىر جىلدان از بولسا جانە تەرىس مىنەز-ق ۇلىق دارەجەسى بولماسا, اۋىر جانە اسا اۋىر قىلمىستار ءۇشىن سوتتالعانداردىڭ وتەلمەگەن بولىگى كەشىرىلەدى.
«سوت ج.ەرتاەۆتىڭ ءوتىنىشى قاناعاتتاندىردى. سوتتالعان ج.ەرتاەۆتىڭ نەگىزگى جازاسىنىڭ وتەلمەگەن 11 اي 16 كۇنى بوساتىلدى», — دەپ حابارلايدى سوت.
