16 535 ەتنيكالىق قازاق قانداس مارتەبەسىن الدى

فوتو: اشىق دەرەككوز

بيىل 16 535 ەتنيكالىق قازاق قانداس مارتەبەسىن الدى, دەپ جازادى  qandastar.kz  ktk.kz-كە سىلتەمە جاساپ.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە سايكەس, 2024 جىلى قازاقستانعا كەلگەن قانداستاردىڭ 45,9%-ى قىتايدان, 39,2%-ى وزبەكستاننان, 5,8%-ى موڭعوليادان, 5,2%-ى تۇركىمەنستاننان, 2,8%-ى رەسەيدەن جانە 1,1%-ى باسقا ەلدەردەن كەلگەن. . 2024 جىلعى 1 قاراشاداعى جاعداي بويىنشا ميگرانتتاردىڭ 57,4%-ى ەڭبەك جاسىنداعىلار, 33,2%-ى كامەلەتكە تولماعاندار, 9,4%-ى زەينەتكەرلەر. ەڭبەككە جارامدى جاستاعى ۇمىتكەرلەر اراسىندا جوعارى ءبىلىمدى – 17,8%, ارناۋلى ورتا ءبىلىمدى – 24,8%, جالپى ورتا ءبىلىمدى – 54,4%, ءبىلىمى جوق – 3%.

2024 جىلعا ارنالعان قونىس اۋدارۋ ايماقتارىنا كانديداتتاردى قابىلداۋ كۆوتاسى 3033 ادامدى قۇرايدى. 2024 جىلعى 1 قاراشاداعى جاعداي بويىنشا وڭىرلەرگە 2841 ميگرانت قونىستاندىرىلدى. سونداي-اق, جىل باسىنان بەرى 2390 ۇمىتكەرگە قولداۋ شارالارى كورسەتىلىپ, ونىڭ ىشىندە 763 ادام تۇراقتى جۇمىسقا ورنالاستىرىلدى.