الەم جاڭالىقتارىجاڭالىقتار
16 جاستاعى قازاق فۋتبولشىسىن «چەلسي» 4,3 ميلليون ەۋروعا ساتىپ الدى
فوتو: sportilinet
16 جاستاعى قازاقستاندىق فۋتبولشى داستان ساتپاەۆ «چەلسي» كلۋبىنا اۋىسادى. الەمدىك فۋتبولدىڭ باستى ينسايدەرلەرىنىڭ ءبىرى فابريتسيو رومانو وسى جاڭالىقتى راستادى. بۇل تۋرالى Stan.kz اقپارات اگەنتتىگى حابارلايدى.
فابريتسيو رومانونىڭ سوزىنشە, الماتىلىق «قايراتتان» اۋىسۋ قۇنى 4 ميلليون ەۋرو (2 ميلليارد تەڭگەدەن استام) بولدى.
«داستان 18 جاسقا تولعاندا كەلىسىمشارتتى تاعى ءبىر جىلعا ۇزارتۋ مۇمكىندىگىمەن «چەلسي» كلۋبىمەن 5 جىلدىق كەلىسىمشارتقا قول قويادى», – دەپ جازدى رومانو.
قازاقستاندىق تالانتقا «رب زالتسبۋرگ», «بايەر», «بەنفيكا» جانە «رەال سوسەداد» سياقتى باسقا كلۋبتار دا قىزىعۋشىلىق تانىتقان. الايدا «چەلسي» داستاندى ءوز قاتارىندا كورۋگە ەرەكشە قۇلشىنىس ءبىلدىردى.
وتكەن جىلدىڭ مامىر ايىندا ساتپاەۆ «قايراتتىڭ» نەگىزگى قۇرامىنىڭ تاريحىنداعى ەڭ جاس فۋتبولشى اتاندى. QJ League U-18 جاسوسپىرىمدەر ليگاسىندا ول 12 ماتچتا 19 گول سوعىپ, 7 ناتيجەلى پاس بەرىپ, ماۋسىمنىڭ ەڭ پايدالى ويىنشىسى سىيلىعىن يەلەندى.
ەسكە سالايىق, انگليالىق «مانچەستەر سيتي» فۋتبول كلۋبى فرانتسۋزدىق «لانس» كلۋبىنىڭ ويىنشىسى وزبەك ابدۋكودير حۋسانوۆتى ءوز قاتارلارىنا قوسپايتىنىنىن جازدىق. 20 جاستاعى وزبەكستاندىق قورعاۋشىنى اعىلشىن كلۋبى 50 ميلليون ەۋروعا جۋىق قاراجاتقا ساتىپ الماق بولعان ەدى. ءدال وسى جاڭالىق سوڭعى ءبىر اپتادا الەمدىك باق بەتتەرىندە جەلدەي ەستى. الايدا ينسايدەر فابريتسيو رومانونىڭ ايتۋىنشا, «مانچەستەر سيتي» حۋسانوۆتىڭ ورنىنا برازيليا ويىنشىسى ۆيتور رەيستى 40 ميلليون ەۋروعا ساتىپ الماق. قازىر 19 جاستاعى جاس ويىنشى ءوز وتانىندا «پالمەيراس» كلۋبىندا ونەر كورسەتەدى.
