16 jastaǵy qazaq fýtbolshysyn «Chelsı» 4,3 mıllıon eýroǵa satyp aldy

Foto: sportilinet

16 jastaǵy qazaqstandyq fýtbolshy Dastan Satpaev «Chelsı» klýbyna aýysady. Álemdik fýtboldyń basty ınsaıderleriniń biri Fabrııo Romano osy jańalyqty rastady. Bul týraly Stan.kz aqparat agenttigi habarlaıdy.

Fabrııo Romanonyń sózinshe, almatylyq «Qaırattan» aýysý quny 4 mıllıon eýro (2 mıllıard teńgeden astam) boldy.

«Dastan 18 jasqa tolǵanda kelisimshartty taǵy bir jylǵa uzartý múmkindigimen «Chelsı» klýbymen 5 jyldyq kelisimshartqa qol qoıady», – dep jazdy Romano.

Qazaqstandyq talantqa «RB Zalbýrg», «Baıer», «Benfıka» jáne «Real Sosedad» sııaqty basqa klýbtar da qyzyǵýshylyq tanytqan. Alaıda «Chelsı» Dastandy óz qatarynda kórýge erekshe qulshynys bildirdi.

О́tken jyldyń mamyr aıynda Satpaev «Qaırattyń» negizgi quramynyń tarıhyndaǵy eń jas fýtbolshy atandy. QJ League U-18 jasóspirimder lıgasynda ol 12 matchta 19 gol soǵyp, 7 nátıjeli pas berip, maýsymnyń eń paıdaly oıynshysy syılyǵyn ıelendi.

Eske salaıyq, anglııalyq «Manchester Sıtı» fýtbol klýby franýzdyq «Lans» klýbynyń oıynshysy ózbek Abdýkodır Hýsanovty óz qatarlaryna qospaıtynynyn jazdyq. 20 jastaǵy ózbekstandyq qorǵaýshyny aǵylshyn klýby 50 mıllıon eýroǵa jýyq qarajatqa satyp almaq bolǵan edi. Dál osy jańalyq sońǵy bir aptada álemdik BAQ betterinde jeldeı esti. Alaıda ınsaıder Fabrııo Romanonyń aıtýynsha, «Manchester Sıtı» Hýsanovtyń ornyna Brazılııa oıynshysy Vıtor Reısti 40 mıllıon eýroǵa satyp almaq. Qazir 19 jastaǵy jas oıynshy óz otanynda «Palmeıras» klýbynda óner kórsetedi.