جاڭالىقتار
«16 جاسىمدا الىپ قاشتى»: اقتوبەدە 34 جاستاعى كەلىنشەك 12-ءشى بالاسىن كۇتىپ ءجۇر
فوتو: stan.kz
اقتوبە وبلىسىنىڭ شالقار اۋدانىندا 34 جاستاعى كەلىنشەك ايىم سۇيەۋقۇلوۆا 12-ءشى بالالارىن كۇتىپ ءجۇر. وتباسىنداعى 11 بالاسىنىڭ الدى ستۋدەنت. ۇلكەن قىزى ءبىر اپتا بۇرىن 18 جاسقا تولعان. ال 11-ءشى بالا 19 ناۋرىزدا 1 جاسقا تولادى. كوپبالالى انا ءبىر كۇنى قالاي وتەتىنىن ايتىپ, قىزىقتى وقيعالارىمەن ءبولىستى, دەپ حابارلايدى qandastar.kz اقپارات پورتالى Stan.kz-كە سىلتەمە جاساپ.
وتاعاسى ازامات حاديمجان 39 جاستا. مەكەمەدە كۇزەتشى بوپ ىستەيدى. ولار شالقار اۋدانىنىڭ ورتالىعىندا پاتەر جالداپ تۇرادى.
“12-ءشى بالا ماۋسىم ايىندا ومىرگە كەلەدى دەپ كۇتىپ وتىرمىز. بالالاردىڭ اراسى 1-1,5 جاس. ءبارى ءبىر-بىرىنە كومەكتەسىپ ءوسىپ جاتىر. 12 جاستاعى ەگىز قىزدار بار. بالالاردىڭ اتىن اتا-اجەسى, قايىن ءىنىم, كەلىنىم, ەگىزدەردىڭ اتىن ايشا-ايدا دەپ ناعاشىلارى قويدى. ءوزىمىز تەك 9-شى بالاعا ات قويىپپىز. كۇيەۋىم مەنەن 5 جاسقا ۇلكەن. اللا اۋزىنا سالعان شىعار, ۇيلەنگەن كەزدە ەندى 12 بالا تۋىپ بەرسەڭ بولدى دەگەن. ارينە ول كەزدە ازىلدەستىك. بىراق سول تىلەك قابىل بولدى”,- دەدى كوپبالالى انا ايىم.
ايىم 16 جاسىندا اۋىلداسى شالقارلىق جىگىتكە تۇرمىسقا شىققان. كەزدەسىپ جۇرگەن جىگىتى مەكتەپ بىتىرگەننەن كەيىن الىپ قاشقانىن ايتادى.
كوپبالالى وتباسى شالقار اۋدانىنىڭ ورتالىعىندا پاتەر جالداپ تۇرادى. جەتى بالا مەكتەپ جاسىندا. تورتەۋى تۇسكە دەيىن, ۇشەۋى تۇستەن كەيىن وقيدى. ەكى بالا بالاباقشاعا بارادى.
ايىمنىڭ ءار كۇنى ءبىر-بىرىنە ۇقساس. تاڭەرتەڭ ساعات 7:00- دە تۇرعاننان ءۇيدىڭ تىرلىگى باستالادى. بالالاردىڭ شايىن بەرىپ, مەكتەپكە, بالاباقشاعا جىبەرەدى. كۇتىپ الادى. ەكىنشى كەزەكتى جىبەرەدى. تاماق ىستەۋ, ىدىس جۋ, ءۇيدى تازالاۋ, بالالاردىڭ كيىمىن دايىنداۋمەن تاڭ اتىپ كەش باتاتىنىن ايتادى. بالالاردىڭ الدى ءۇي شارۋانىسىنا ارالاسىپ, اناسىنا قولعابىس ەتىپ ءجۇر.
