«16 jasymda alyp qashty»: Aqtóbede 34 jastaǵy kelinshek 12-shi balasyn kútip júr

Foto: stan.kz

Aqtóbe oblysynyń Shalqar aýdanynda 34 jastaǵy kelinshek Aıym Súıeýqulova 12-shi balalaryn kútip júr. Otbasyndaǵy 11 balasynyń aldy stýdent. Úlken qyzy bir apta buryn 18 jasqa tolǵan. Al 11-shi bala  19 naýryzda 1 jasqa tolady. Kópbalaly ana bir kúni qalaı ótetinin aıtyp, qyzyqty oqıǵalarymen bólisti, dep habarlaıdy  qandastar.kz aqparat portaly Stan.kz-ke silteme jasap.

Otaǵasy Azamat Hadımjan 39 jasta. Mekemede kúzetshi bop isteıdi. Olar Shalqar aýdanynyń ortalyǵynda páter jaldap turady.

“12-shi bala maýsym aıynda ómirge keledi dep kútip otyrmyz. Balalardyń arasy 1-1,5 jas. Bári bir-birine kómektesip ósip jatyr. 12 jastaǵy egiz qyzdar bar. Balalardyń atyn ata-ájesi, qaıyn inim, kelinim, egizderdiń atyn Aısha-Aıda dep naǵashylary qoıdy. О́zimiz tek 9-shy balaǵa at qoıyppyz. Kúıeýim menen 5 jasqa úlken. Alla aýzyna salǵan shyǵar, úılengen kezde endi 12 bala týyp berseń boldy degen. Árıne ol kezde ázildestik. Biraq sol tilek qabyl boldy”,- dedi kópbalaly ana Aıym.

Aıym 16 jasynda aýyldasy shalqarlyq jigitke turmysqa shyqqan. Kezdesip júrgen jigiti mektep bitirgennen keıin alyp qashqanyn aıtady.

Kópbalaly otbasy Shalqar aýdanynyń ortalyǵynda páter jaldap turady. Jeti bala mektep jasynda. Tórteýi túske deıin, úsheýi tústen keıin oqıdy. Eki bala balabaqshaǵa barady.

Aıymnyń ár kúni bir-birine uqsas. Tańerteń saǵat 7:00- de turǵannan úıdiń tirligi bastalady. Balalardyń shaıyn berip, mektepke, balabaqshaǵa jiberedi. Kútip alady. Ekinshi kezekti jiberedi. Tamaq isteý, ydys jýý, úıdi tazalaý, balalardyń kıimin daıyndaýmen tań atyp kesh batatynyn aıtady. Balalardyń aldy úı sharýanysyna aralasyp, anasyna qolǵabys etip júr.