170,5 ميلليارد دوللار — قازاقستاننىڭ سىرتقى قارىزى نەگە كوبەيىپ كەتتى?

2025 جىلعى 1 ساۋىردەگى جاعداي بويىنشا قازاقستاننىڭ سىرتقى قارىزى 170,5 ميلليارد دوللاردى قۇرادى. بۇل تۋرالى ۇلتتىق بانكتىڭ جاڭارتىلعان ەسەبىندە ايتىلدى, دەپ جازادى qandastar.kz

جىل باسىنان بەرى كورسەتكىش 5,7 ميلليارد دوللارعا وسكەن.

ۇلتتىق بانك مالىمەتىنشە, ءبىرىنشى توقسانداعى ءوسىمنىڭ نەگىزگى بولىگى تولەم بالانسىنا قاتىستى وپەراتسيالار ەسەبىنەن بولعان (3,4 ملرد دوللار). تاعى 2,3 ميلليارد دوللار ۆاليۋتالىق باعام وزگەرىستەرى, قايتا باعالاۋ جانە باسقا دا فاكتورلاردىڭ اسەرىنەن ارتقان.

Alash.KZ جازعانداي, سىرتقى قارىز قۇرىلىمىنا توقتالساق, ونىڭ 87,1 پايىزى – ۇزاق مەرزىمدى مىندەتتەمەلەرگە (1 جىلدان جوعارى) تيەسىلى. بۇل ءوز كەزەگىندە وتىمدىلىككە بايلانىستى قاۋىپ-قاتەرلەردى ازايتقانىمەن, قارىزدى وتەۋ مەن قىزمەت كورسەتۋ بارىسىندا نارىقتىق جاعدايلاردىڭ وزگەرىسىنە تاۋەلدىلىكتى ارتتىرادى, – دەپ اتاپ ءوتتى ۇلتتىق بانك.