18 ata-ana túrmege qamaldy

Foto: canva.com

Pavlodarda jyl basynan beri 415 mln teńge somasyna alıment qaryzy óteldi, dep jazady inbusiness.kz saıty.

Pavlodar oblysynda prokýrorlar múddeli organdarmen birlesip, nemquraıly ata-analardan balalardy asyraýǵa alıment qaryzyn turaqty negizde óndirip alý boıynsha jumys júrgizip jatyr.

Bos oryndar jármeńkesi uıymdastyryldy, sonyń nátıjesinde 68 boryshker jumysqa ornalasty, 240 boryshkerge jumyspen qamtý organdaryna esepke qoıý týraly habarlama berildi.

Alıment tólemeıtinderdiń 33-inde júrgizýshi kýáligi toqtatyldy.

Qasaqana boryshkerlerge tıesili kólik quraldaryn tabý jáne ustaý boıynsha birlesken reıd barysynda boryshkerlerdiń 6 kóligi aıyp turaǵyna qamaldy, ol boıynsha 5 mln teńgege boryshy óteldi.

10 mln teńge somasyna 5 jyljymaıtyn múlik óndirip alýshylarǵa qaryzdy óteý esebine berildi.

Alıment tóleý mindetin oryndamaǵany úshin 180 boryshker ákimshilik jaýapkershilikke tartyldy, 2 jylǵa deıingi merzimge shekteý ne bas bostandyǵynan aıyrý túrindegi jazany kózdeıtin QK 139-baby boıynsha qylmystyq jaýapkershilikke tartý jóninde 58 usynys jiberildi.

18 boryshker sottaldy.