2,5 ملن تەڭگە اليمەنت تولەمەي جۇرگەن اكە 1 جىلعا باس بوستاندىعىنان ايىرىلدى

جەتىسۋ وبلىسىندا اليمەنت تولەمەگەن زاڭدى ورەسكەل بۇزۋشى بورىشكەر سوتتالدى. بۇل تۋرالى جەتىسۋ وبلىسىنىڭ پروكۋراتۋراسى ءمالىم ەتتى.

«سوت ۇكىمىمەن بورىشكەر «T» كامەلەتكە تولماعان ەكى بالاسىن اسىراۋ ءۇشىن اليمەنت تولەۋ جونىندەگى مىندەتتەرىن ءۇش جىل بويى ورىنداماعاندىقتان 1 جىل مەرزىمگە باس بوستاندىعىننان ايىرىلدى. ونىڭ اليمەنت بويىنشا بەرەشەكتەرى 2,5 ملن تەڭگەدەن اسىپ, بۇل كامەلەتكە تولماعان بالالاردى اسىراۋدا ماتەريالدىق قيىندىقتارعا اكەلدى», — دەلىنگەن حابارلامادا.

پروكۋراتۋرانىڭ قاداعالاۋ اكتىسى نەگىزىندە وعان قاتىستى قر قىلمىستىق كودەكسىنىڭ 139-بابى (بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋ ءىسى جۇرگىزىلىپ, سوتقا جولداندى.

تاعى ءبىر جاعدايدا, بورىشكەر «M»-عا قاتىستى ءىسى سوت تالقىلاۋى بارىسىندا 1 ملن تەڭگە كولەمىندەگى قارىزىن تولىق وتەۋىنە بايلانىستى سوتپەن توقتاتىلدى.

وبلىستىق پروكۋراتۋرا اليمەنت تولەمەگەنى ءۇشىن اكىمشىلىك جانە قىلمىستىق جاۋاپكەرشىلىك, سونداي-اق 2 جىلعا دەيىن باس بوستاندىعىنان ايىرۋ جازاسى كوزدەلگەنىن ەسكەرتەدى.

بالالارعا قامقورلىق جاساۋ — اتا-انانىڭ باستى مىندەتى!