200 توتىقۇستى ەلگە الىپ كىرمەك بولعان قازاقستاندىق ايەل ۇستالدى

مەملەكەتتىك شەكارانى قورعاۋ قىزمەتى اياسىندا شەكاراشىلار وتكەن تاۋلىكتەردە جانارماي, حالىق تۇتىنۋ تاۋارلارىن, ءتىپتى ەكى ءجۇز توتىقۇستى زاڭسىز وتكىزۋ ارەكەتىنىڭ جولىن كەسكەن.
اتاپ ايتقاندا, سارىاعاش («ب. قونىسباەۆ» جانە «جىبەك جولى» وتكىزۋ بەكەتتەرى) جانە اقتوبە («جايسان» بەكەتى) ۋچاسكەلەرىندە 1 500 ليتر ديزەل وتىنى مەن اي-92 ماركالى بەنزيندى قازاقستاننان زاڭسىز الىپ شىقپاق بولعاندار ۇستالدى. ورال شەكارا جاساعى ۋچاسكەسىندە 900 كگ سيىر ەتىن, 3 000 000 تەڭگەنىڭ قۇرىلىس ماتەريالدارىن, 20 توننا جەمىستى, 18 توننا قانتتى, اقتوبە ۋچاسكەسىندە 100 كگ توقىما ونىمدەرىن, 11,5 توننا كوكونىستى (قيار, قىزاناق, پياز) قازاقستانعا زاڭسىز الىپ كىرۋگە, سونداي-اق قوستاناي ۋچاسكەسىندە 31 توننادان اساتىن حالىق تۇتىناتىن تاۋارلاردى الىپ شىعۋعا جول بەرىلمەدى. بۇدان بولەك, قىرعىز رەسپۋبليكاسىنان 200 توتىقۇستى ەلگە زاڭسىز جولمەن الىپ كىرمەك بولعان 1975 جىلى تۋعان قر ازاماتشاسى ۇستالدى.

ماقالاعا تولىق سىلتەمە: https://www.inform.kz/kz/200-totykusty-elge-alyp-kirmek-bolgan-kazakstandyk-ayel-ustaldy_a3529148