جاڭالىقتار
2022 جىلى قىتايدان كەلگەن تۋريستەردەن تۇسكەن پايدا 16 ميلليون دوللار قۇرادى
Kazakh Tourism ۇلتتىق كومپانياسى مالىمەتى بويىنشا 2022 جىلى قازاقستانعا قىتايدان كەلگەن تۋريستەردەن تۇسكەن تابىس 16 ملن دوللاردى قۇرادى. بۇل 2021 جىلمەن سالىستىرعاندا ەكى ەسە ارتىق (8,9 ميلليون دوللار).
بۇل رەتتە ءبىر قىتايلىق تۋريست قازاقستانعا كەلگەن كەزدە ورتا ەسەپپەن 1000 دوللار جۇمسايدى.
«قازاقستان تۋريستىك دەستيناتسيا رەتىندە بىرقاتار ەلدەردىڭ, سونىڭ ىشىندە قحر ازاماتتارىنىڭ سۇرانىسىنا يە. قىتايلىق تۋريستەردىڭ ۆيزاسىز بولۋ مەرزىمىن 14 كۇننەن 30 كۇنگە دەيىن ۇزارتۋ بيزنەسكە ولاردان كوبىرەك پايدا تابۋعا مۇمكىندىك بەرەدى. سونىمەن قاتار, باسقا ەلدەردەن ساياحاتشىلاردى تارتۋ بويىنشا بەلسەندى جۇمىس جۇرگىزىلۋدە», – دەپ اتاپ ءوتتى «Kazakh Tourism» ۇك» اق باسقارۋشى ديرەكتورى دانيەل سەرجان ۇلى.
