جاڭالىقتار
2023 جىلى «قازترانسويل» اق بيۋدجەتكە 40 ملرد تەڭگەدەن استام اقشا تولەدى
2023 جىلى «قازترانسويل» اق تولەگەن سالىقتاردىڭ جانە بيۋدجەتكە تولەنەتىن باسقا دا مىندەتتى تولەمدەردىڭ جالپى سوماسى 40,1 ملرد تەڭگەنى قۇرادى, بۇل 2022 جىلعى دەڭگەيدەن 17,9% — عا كوپ.
رەسپۋبليكالىق بيۋدجەتكە ەڭ ۇلكەن تولەمدەر كورپوراتيۆتىك تابىس سالىعى (11,8 ملرد تەڭگە) مەن قوسىلعان قۇن سالىعىنان (3,8 ملرد تەڭگە) قۇرالدى. جەرگىلىكتى بيۋدجەتتەرگە م ۇلىك سالىعى – 10,5 ملرد تەڭگە كولەمىندە, جەكە تابىس سالىعى – 7,5 ملرد تەڭگە جانە الەۋمەتتىك سالىق – 6,1 ملرد تەڭگە كولەمىندە تولەندى.
2019 جىلدان باستاپ سالىق ورگاندارى سالىق تولەۋشىلەردىڭ قىزمەتىن سارالانعان سالىقتىق اكىمشىلەندىرۋ شارالارى قولدانىلاتىنىنا بايلانىستى ءۇش ساناتقا بولەدى, ولار — تومەن, ورتاشا جانە جوعارى تاۋەكەلدى ساناتتار. وسى ساناتقا سايكەس «قازترانسويل» اق تومەن تاۋەكەل دارەجەسىن يەلەندى. اتالمىش دارەجە كومپانيانىڭ سەنىمدىلىك كورسەتكىشتەرىنىڭ ءبىرى بولىپ تابىلادى.
