جاڭالىقتار

2024 جىلى قازاقستاندىق فۋتبولعا بيۋدجەتتەن قانشا قارجى ءبولىندى?

11.11.2024

0 103

فوتو: قفف

قازاقستان پرەمەر-ليگاسىنىڭ (قپل) فۋتبول كلۋبتارى وبلىس جانە قالا اكىمدىكتەرىمەن قانشا سوماعا كەلىسىمشارتقا وتىرعانى بەلگىلى بولدى, دەپ جازادى qandastar.kz Stan.kz-rt cىلتەمە جاساپ.

دياديا-ۆانيا Telegram ارناسىنىڭ حابارلاۋىنشا, بيىل قازاقستان پرەمەر-ليگاسىنىڭ كوماندالارى جالپى سوماسى 25,68 ميلليارد تەڭگە بولاتىن تەندەرلەردى جەڭىپ العان. مەملەكەتتىك ساتىپ الۋلار سايتىندا تاعى ءۇش تەندەر بويىنشا ساۋدا-ساتتىق وتكىزىلىپ جاتىر. ونىڭ ەكەۋىن 187,5 ميلليون تەڭگەگە جانە 312,5 ميلليون تەڭگەگە اقتوبە وبلىسىنىڭ مادەنيەت جانە سپورت باسقارماسى جاريالادى. 892,9 ميلليون تەڭگەلىك تاعى بىرەۋى – شىمكەنت قالاسىنىڭ دەنە شىنىقتىرۋ جانە سپورت باسقارماسىنا تيەسىلى.

قالعان كەلىسىمشارتتارعا قول قويىلعاننان كەيىن ەليتالىق ديۆيزيون كلۋبتارى ءۇشىن جەرگىلىكتى بيۋدجەت شىعىستارى 1,38 ميلليارد تەڭگەگە ءوسىپ, 27,06 ميلليارد تەڭگە بولماق. بۇل سوماعا «استانا» فۋتبول كلۋبىنىڭ شىعىندارى كىرمەيتىنى اتاپ ءوتىلدى. ويتكەنى سوڭعى جىلدارى ەلوردالىق كوماندا كۆازيمەملەكەتتىك سەكتوردان, ياعني “Sport Qory” دەپ اتالاتىنسپورت سالاسىنداعى بيۋدجەتتەن تىس قاراجاتتى ءبولۋ جونىندەگى بىرىڭعاي وپەراتوردان قارجىلاندىرىلعان.

«سامۇرىق-قازىنا» اق ۆەدومستۆولىق باعىنىستى ۇيىمى كاسىپقوي كلۋبتاردى ۇستاۋعا كەتەتىن شىعىندارىن كەلەسى جىلى عانا جاريالايدى. سوندىقتان «استانا» فۋتبول كلۋبىن قارجىلاندىرۋ تۋرالى اقپارات تەك بولجام بولۋى مۇمكىن. دەگەنمەن, الدىڭعى ەسەپتەردە كورسەتىلگەندەي, وتكەن ماۋسىمدا قور بۇل ماقساتتارعا 5,3 ميلليارد تەڭگە جۇمساعان. ال ءبىر جىل بۇرىن – 4,8 ميلليارد تەڭگە», – دەلىنگەن حابارلامادا.

بۇل رەتتە «اقتوبە» فۋتبول كلۋبى وبلىستىق دەنە شىنىقتىرۋ جانە سپورت باسقارماسىمەن جالپى سوماسى 5,712 ميلليارد تەڭگەگە 3 جىلعا كەلىسىم-شارت جاساسقانى حابارلاندى.

سونداي-اق 2024 جىلى قازاقستاندا جەرگىلىكتى بيۋدجەتتەردەن فۋتبولدى قارجىلاندىرۋ كولەمى انىقتالدى:

«ورداباسى» كاسىپقوي فۋتبول كلۋبى» اق – 5,3 ميلليارد تەڭگە (وبلىستىڭ سپورتقا جۇمسالعان جالپى شىعىندارىنىڭ 87,1%);
«اقتوبە» ايماقتىق فۋتبول كلۋبى» اق – 4,55 ميلليارد تەڭگە (40,1%);
«ەلىماي» فۋتبول كلۋبى» قق – 2,341 ميلليارد تەڭگە (72%);
«قىزىل-جار سك» فۋتبول كلۋبى» جشس – 2 ميلليارد تەڭگە (51,5%);
«اتىراۋ» ايماقتىق فۋتبول كومانداسى» جشس – 1,9 ميلليارد تەڭگە (29%);
«توبىل» فۋتبول كلۋبى» قق – 1,647 ميلليارد تەڭگە (46,9%)
«قىزىلوردا وبلىستىق «قايسار» فۋتبول كلۋبى» جشس – 1,636 ميلليارد تەڭگە (70,6%);
«جەڭىس فك» جشس – 1,599 ميلليارد تەڭگە (28,9%);
«تۇران» كاسىپقوي فۋتبول كلۋبى» مەملەكەتتىك قازىنالىق كاسىپورنى – 1,399 ميلليارد تەڭگە (24,7%);
«جەتىسۋ» فۋتبول كلۋبى» مەملەكەتتىك قازىنالىق كاسىپورنى – 1,396 ميلليارد تەڭگە (32,7%);
«شاحتەر» فۋتبول كلۋبى اق – 1,2 ميلليارد تەڭگە (17,1%);
«قايرات» فۋتبول كلۋبى» جشس – 0,75 ميلليارد تەڭگە (3,2%).

ەسكە سالايىق, قاڭتار ايىندا قىزىلوردالىق «قايسار» فۋتبول كلۋبىن كەيىننەن 5 جىلعا ساتىپ الۋ ارقىلى سەنىمگەرلىك باسقارۋعا بەرۋ جوسپارلانعانى حابارلانعان ەدى. سوندا لوتتىڭ باستاپقى باعاسى 1,6 ميلليارد تەڭگە بولدى. باستاپقى تولەم – 252,9 ميلليون تەڭگە. سونداي-اق «قايسار» فۋتبول كلۋبىنىڭ ويىنشىلارى ءۇش ايدان بەرى جالاقى الا الماي جۇرگەنىن ايتقان.

قازان ايىنىڭ باسىندا «كاسپي» فۋتبول كلۋبىنىڭ بۇرىنعى ويىنشىلارى مەن قىزمەتكەرلەرى سوت ارقىلى كاسىپورىننان ەڭبەكاقىسىن العان ەدى. فۋتبول كلۋب ولارعا ميلليونداعان تەڭگە قارىز.

سونداي-اق مەملەكەت قارجىلاندىراتىن «قايسار» فۋتبول كلۋبىنىڭ ويىنشىلارى بىرنەشە ايدان بەرى جالاقىلارىن الا الماي جۇرگەنى بەلگىلى بولدى.

قاراشا ايىندا قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ قىزمەتىنەن كەتەتىنىن مالىمدەدى.

ىلمەكتەر