2024 jyly qazaqstandyq fýtbolǵa bıýdjetten qansha qarjy bólindi?

Foto: QFF

Qazaqstan premer-lıgasynyń (QPL) fýtbol klýbtary oblys jáne qala ákimdikterimen qansha somaǵa kelisimshartqa otyrǵany belgili boldy, dep jazady qandastar.kz Stan.kz-rt cilteme jasap.

Dıadıa-Vanıa Telegram arnasynyń habarlaýynsha, bıyl Qazaqstan premer-lıgasynyń komandalary jalpy somasy 25,68 mıllıard teńge bolatyn tenderlerdi jeńip alǵan. Memlekettik satyp alýlar saıtynda taǵy úsh tender boıynsha saýda-sattyq ótkizilip jatyr. Onyń ekeýin 187,5 mıllıon teńgege jáne 312,5 mıllıon teńgege Aqtóbe oblysynyń mádenıet jáne sport basqarmasy jarııalady. 892,9 mıllıon teńgelik taǵy bireýi – Shymkent qalasynyń dene shynyqtyrý jáne sport basqarmasyna tıesili.

Qalǵan kelisimsharttarǵa qol qoıylǵannan keıin elıtalyq dıvızıon klýbtary úshin jergilikti bıýdjet shyǵystary 1,38 mıllıard teńgege ósip, 27,06 mıllıard teńge bolmaq. Bul somaǵa «Astana» fýtbol klýbynyń shyǵyndary kirmeıtini atap ótildi. О́ıtkeni sońǵy jyldary elordalyq komanda kvazımemlekettik sektordan, ıaǵnı “Sport Qory” dep atalatynsport salasyndaǵy bıýdjetten tys qarajatty bólý jónindegi biryńǵaı operatordan qarjylandyrylǵan.

«Samuryq-Qazyna» AQ vedomstvolyq baǵynysty uıymy kásipqoı klýbtardy ustaýǵa ketetin shyǵyndaryn kelesi jyly ǵana jarııalaıdy. Sondyqtan «Astana» fýtbol klýbyn qarjylandyrý týraly aqparat tek boljam bolýy múmkin. Degenmen, aldyńǵy esepterde kórsetilgendeı, ótken maýsymda qor bul maqsattarǵa 5,3 mıllıard teńge jumsaǵan. Al bir jyl buryn – 4,8 mıllıard teńge», – delingen habarlamada.

Bul rette «Aqtóbe» fýtbol klýby oblystyq dene shynyqtyrý jáne sport basqarmasymen jalpy somasy 5,712 mıllıard teńgege 3 jylǵa kelisim-shart jasasqany habarlandy.

Sondaı-aq 2024 jyly Qazaqstanda jergilikti bıýdjetterden fýtboldy qarjylandyrý kólemi anyqtaldy:

• «Ordabasy» kásipqoı fýtbol klýby» AQ – 5,3 mıllıard teńge (oblystyń sportqa jumsalǵan jalpy shyǵyndarynyń 87,1%);
• «Aqtóbe» aımaqtyq fýtbol klýby» AQ – 4,55 mıllıard teńge (40,1%);
• «Elimaı» fýtbol klýby» QQ – 2,341 mıllıard teńge (72%);
• «Qyzyl-Jar SK» fýtbol klýby» JShS – 2 mıllıard teńge (51,5%);
• «Atyraý» aımaqtyq fýtbol komandasy» JShS – 1,9 mıllıard teńge (29%);
• «Tobyl» fýtbol klýby» QQ – 1,647 mıllıard teńge (46,9%)
• «Qyzylorda oblystyq «Qaısar» fýtbol klýby» JShS – 1,636 mıllıard teńge (70,6%);
• «Jeńis FK» JShS – 1,599 mıllıard teńge (28,9%);
• «Turan» kásipqoı fýtbol klýby» memlekettik qazynalyq kásiporny – 1,399 mıllıard teńge (24,7%);
• «Jetisý» fýtbol klýby» memlekettik qazynalyq kásiporny – 1,396 mıllıard teńge (32,7%);
• «Shahter» fýtbol klýby AQ – 1,2 mıllıard teńge (17,1%);
• «Qaırat» fýtbol klýby» JShS – 0,75 mıllıard teńge (3,2%).

Eske salaıyq, qańtar aıynda qyzylordalyq «Qaısar» fýtbol klýbyn keıinnen 5 jylǵa satyp alý arqyly senimgerlik basqarýǵa berý josparlanǵany habarlanǵan edi. Sonda lottyń bastapqy baǵasy 1,6 mıllıard teńge boldy. Bastapqy tólem – 252,9 mıllıon teńge. Sondaı-aq «Qaısar» fýtbol klýbynyń oıynshylary úsh aıdan beri jalaqy ala almaı júrgenin aıtqan.

Qazan aıynyń basynda «Kaspıı» fýtbol klýbynyń burynǵy oıynshylary men qyzmetkerleri sot arqyly kásiporynnan eńbekaqysyn alǵan edi. Fýtbol klýb olarǵa mıllıondaǵan teńge qaryz.

Sondaı-aq memleket qarjylandyratyn «Qaısar» fýtbol klýbynyń oıynshylary birneshe aıdan beri jalaqylaryn ala almaı júrgeni belgili boldy.

Qarasha aıynda Qazaqstan fýtbol federaııasynyń prezıdenti Ádilet Barmenqulov qyzmetinen ketetinin málimdedi.