Jańalyqtar
24 jylǵa sottalǵan qazaqstandyq túrmedegilerdi terakt jasaýǵa shaqyrǵan
Foto: QR Ulttyq Ulany
Ol 2013 jyldan beri adam óltirý, zańsyz qarý saqtaý jáne tonaý qylmystary úshin 24 jylǵa sottalǵan.
Jambyl oblysyndaǵy túrmede radıkaldy ıdeologııany nasıhattap, lańkestik áreketke shaqyrǵan sottalýshy anyqtaldy, dep habarlaıdySkifnews.kz aqparat portaly.
Qazaqstan Respýblıkasy Ulttyq ulanynyń baspasóz qyzmetiniń málimetinshe, Ulttyq qaýipsizdik komıtetiniń Jambyl oblysy boıynsha departamentiniń qyzmetkerleri Ulttyq ulannyń «Búrkit» arnaıy jasaq bólimshelerimen birlesip, jazasyn óteýshiler arasynda terrorızmdi nasıhattap júrgen 34 jastaǵy sottalýshyny anyqtady.
«Ol radıkaldy ıdeologııany taratyp qana qoımaı, terrorızm aktisin jasaýǵa shaqyrdy, ustalǵan Atyraý oblysynyń týmasy, 2013 jyldan beri adam óltirý, zańsyz qarý saqtaý jáne tonaý qylmystary úshin 24 jylǵa sottalǵan», – delingen habarlamada.
Atalǵan fakti boıynsha qylmystyq is qozǵaldy.
