256 ملن: شىمكەنتتىك ۋنيۆەرسيتەت باسشىلارى قوماقتى قارجى جىمقىرعان

فوتو: ۆيدەودان كادر

قما شىمكەنت قالاسى بويىنشا دەپارتامەنتى م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە اسا ءىرى كولەمدە بيۋدجەت قاراجاتىن جىمقىرۋ جانە قىلمىستىق جولمەن الىنعان م ۇلىكتى زاڭداستىرۋ فاكتىسى بويىنشا قىلمىستىق ءىستى تەرگەپ-تەكسەرۋدى اياقتادى, دەپ حابارلايدى Skifnews.kz اقپارات پورتالى.

اگەنتتىكتىڭ مالىمەتىنشە, كۇدىكتىلەر قاتارىندا رەكتوردىڭ مىندەتىن اتقارۋشى, قارجى جانە اكىمشىلىك دەپارتامەنتتەردىڭ ديرەكتورلارى, سونداي-اق سەرىكتەس ۇيىمداردىڭ باسشىلارى بار.

تەرگەۋ ناتيجەسىندە ۋنيۆەرسيتەت قىزمەت كورسەتۋ, قۇرىلىس-مونتاج جۇمىستارى مەن تاۋار جەتكىزۋگە قاتىستى جالپى سوماسى 256 ملن تەڭگە بولاتىن جالعان كەلىسىمشارتتار جاساعانى انىقتالدى.

اتالعان جۇمىستار ءىس جۇزىندە ورىندالماعان. بيۋدجەت قارجىسى جالعان اكتىلەر نەگىزىندە بايلانىسى بار كومپانيالاردىڭ شوتتارىنا اۋدارىلىپ, كەيىن قولما-قول اقشاعا اينالدىرىلعان.

قىلمىستىق جولمەن الىنعان كىرىستەرگە كۇدىكتىلەر 6 قىمبات كولىك (Mercedes-Benz S-كلاسس, Lexus LX570 جانە ت.ب.) پەن شىمكەنت قالاسىنىڭ ورتالىعىنان قۇنى 254 ملن تەڭگە بولاتىن ەليتالىق كوتتەدج ساتىپ العان. ولارعا سوت سانكتسياسىمەن تىيىم سالىندى. 4 كۇدىكتىگە قاتىستى ۇيقاماق تۇرىندەگى بۇلتارتپاۋ شاراسى قابىلداندى.

قىلمىستىق ءىس سوتقا جولداندى.