27 jastaǵy atyraýlyq arý 81 jastaǵy nemis mıllıarderine turmysqa shyqty

Foto: Alına Kýznıatkınanyń áleýmettik jelisinen

Reseıge kóship ketken atyraýlyq Alına Kýznıatkına 81 jastaǵy mıllıarder Horst-Dıter Eshpen nekelesti. Esh – «Vılgelmına» modeldeý agenttiginiń burynǵy ıesi jáne Donald Tramp otbasynyń jaqyn dosy, dep Skifnews.kz aqparat portaly.

Derekterge súıensek, erli-zaıypty birneshe aı buryn nekelerin resmı túrde tirkegen. Sodan keıin kóp uzamaı jup Marselına esimdi qyzdy bolǵan.

Batys basylymdaryna bergen suhbatynda Esh Alınaǵa degen sezimin bildirip, onyń elıta ortasynda ózin senimdi sezinetinin atap ótti.

Alaıda, arýdyń tanys qurbylary Alınanyń da jaǵdaıy jaqsy jerden shyqqanyn alǵa tartty.

Birinshiden, ol reseılik emes, qazaqstandyq. Ákesi orys, al anasy daǵystandyq. Ákesi Qazaqstandaǵy alǵashqy «Mýstang» valıýtalyq kazınosynyń ıesi bolǵan. Anasy úı sharýasynda boldy. Sodan keıin balalar kıimi dúkenin ashty. Biraq bıznes nátıje bermegen soń, qalǵan aqshasyn qaıyrymdylyqqa jumsaǵan. Ata-anasy 25 jyl boıy jumys istemegen. Alınanyń ákesi BAQ-tyń nazaryn aýdarmas úshin kózge túspeýge tyrysqan. Sonymen qatar keıbireýler oǵan qarjy jaǵynan táýeldi, – dedi ózin Alınanyń dosymyn dep tanystyrǵan anonımdi derekkóz.

Sonymen qatar, Alına qazir burynǵy dostarymen qarym-qatynasyn úzgen. Tek kúıeýiniń ortasymen aralasady. Qyzdyń ata-anasy da erli-zaıyptylar arasyndaǵy jas aıyrmashylyǵyn qabyldaıtynyn jáne onyń tańdaýyn qoldaıtynyn jetkizgen.

Oǵan reseılik baspasózge suhbat berýge nemese jeke ómirine qandaı da bir túsinikteme berýge tyıym salynǵan. Buqaralyq aqparat quraldaryndaǵy árbir málimdeme Eshtiń PR agenttiginiń qatań tekserýinen ótedi, – dep qosty derekkóz.

Týystary júktiliktiń egjeı-tegjeıin túsindire almady. Bul olar úshin kútpegen jaǵdaı bolǵan.

Onyń júkti ekenin biz tek Alınanyń sońǵy aıda bosanýǵa daıyndalyp júrgen kezinde ǵana bildik, – dedi qurbysy.

Kýznıatkına burynǵy dostary men týystaryn saǵynǵanyna qaramastan, onyń ómiri qazir mahabbat pen túrli syılyqtarǵa toly eken.

Horst oǵan gaýhar tastardy jıi syılaıdy. Biraq oǵan áıgili, qymbat brendterdiń kıimin kııýge tyıym salynǵan. Ol jáne onyń kúıeýi golf oınap, baı amerıkalyqtardyń shaǵyn tobynda jabyq álemde ómir súrýde, – dep qorytyndylady derekkóz.