جاڭالىقتار
3 مىڭنان استام قاراعاندىلىق قازاقستان ءانۇرانىن ورىندادى
قاراعاندىداعى تۋ تۇعىرى الدىنداعى الاڭدا قالا تۇرعىندارى بۇكىل ەلمەن بىرگە مەملەكەتتىك رامىزدەر كۇنىن اتاپ ءوتىپ جاتىر, دەپ حابارلايدى Qandastar.kz اقپارات پورتالى.
مەرەكەگە كادەتتەر, ستۋدەنتتەر, ەرىكتىلەر, ارداگەرلەر, قوعام وكىلدەرى مەن شىعارماشىلىق ۇجىمدار قاتىستى. ءۇش مىڭنان استام ادام ەل ءانۇرانىن ورىندادى. قاراعاندى وبلىسىنىڭ اكىمى ەرماعانبەت بولەكپاەۆ مەرەكەگە قاتىسۋشىلاردى مەملەكەتتىك رامىزدەر كۇنىمەن قۇتتىقتادى.
– بۇگىندە قازاقستاننىڭ ءرامىزى بۇكىل الەمدە تانىمال, بۇل ءوز ەلىمىزگە دەگەن ماقتانىش سەزىمىن تۋدىرادى, پاتريوتتىق سەزىمدى تاربيەلەيدى. ءاربىر ازامات ءوز ەلىنىڭ پاتريوتى رەتىندە مەملەكەتتىك رامىزدەرگە قۇرمەتپەن قاراۋى ءتيىس. ءبىزدىڭ مىندەتىمىز – جاستاردى وتانسۇيگىشتىك سەزىمى مەن ءبىزدىڭ ەلىمىزگە دەگەن ماقتانىش سەزىمىنە, ونىڭ باي تاريحى مەن ۇلى تۇلعالارىنا تاربيەلەۋ, – دەدى وبلىس باسشىسى.
