3 myńnan astam qaraǵandylyq Qazaqstan ánuranyn oryndady

Qaraǵandydaǵy tý tuǵyry aldyndaǵy alańda qala turǵyndary búkil elmen birge Memlekettik rámizder kúnin atap ótip jatyr, dep habarlaıdy Qandastar.kz aqparat portaly.

Merekege kadetter, stýdentter, eriktiler, ardagerler, qoǵam ókilderi men shyǵarmashylyq ujymdar qatysty. Úsh myńnan astam adam el ánuranyn oryndady. Qaraǵandy oblysynyń ákimi Ermaǵanbet Bólekpaev merekege qatysýshylardy Memlekettik rámizder kúnimen quttyqtady.

– Búginde Qazaqstannyń rámizi búkil álemde tanymal, bul óz elimizge degen maqtanysh sezimin týdyrady, patrıottyq sezimdi tárbıeleıdi. Árbir azamat óz eliniń patrıoty retinde memlekettik rámizderge qurmetpen qaraýy tıis. Bizdiń mindetimiz – jastardy otansúıgishtik sezimi men bizdiń elimizge degen maqtanysh sezimine, onyń baı tarıhy men uly tulǵalaryna tárbıeleý, – dedi oblys basshysy.